តម្លៃមាស និងផ្សារហ៊ុននៅតំបន់អាសុីបានងើបឡើងថ្លៃព្រមគ្នានៅថ្ងៃព្រហស្បតិ៍នេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃ ក្នុងការជួញដូរនៅព្រឹកថ្ងៃព្រហស្បតិ៍នេះ ខណៈមានការរំពឹងទុកថា ធនាគារកណ្តាលអឺរ៉ុប(ECB) និងធនាគារកណ្តាលអាមេរិក(Fed) គ្រោងទម្លាក់អត្រាការប្រាក់បន្ថែមទៀត គួបផ្សំនឹងការភ័យខ្លាចចំពោះការផ្ទុះឡើងនៃសង្គ្រាមកាន់តែធំនៅតំបន់មជ្ឈឹមបូព៌ា និងការបោះឆ្នោតជ្រើសរើសប្រធានាធិបតីអាមេរិក។

តួយ៉ាង តម្លៃមាស Spot Gold បានងើបឡើង០,០៨ភាគរយដល់២៦៧៥,៥០ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,០៦ភាគរយដល់២៦៩២,៨០ដុល្លារក្នុងមួយអោន គិតត្រឹមម៉ោង១០:៤៦នាទីព្រឹក។

គិតត្រឹមពេលបិទការជួញដូរកាលពីថ្ងៃពុធម្សិលមិញ តម្លៃមាស Spot Gold បានបិទនៅត្រឹម២៦៧៣,២៤ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦៩១,៣០ដុល្លារក្នុងមួយអោន។