តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃនៅព្រឹកថ្ងៃសុក្រនេះ ដោយសារតែការធ្លាក់ថ្លៃចុះបន្តិចវិញនៃប្រាក់ដុល្លារ និងការកើនឡើងកំដៅនៃភាពតានតឹងភូមិសាស្ត្រនយោបាយ ខណៈទីផ្សារកំពុងរង់ចាំមើលទិន្នន័យសំខាន់ៗរបស់សហរដ្ឋអាមេរិកដើម្បីយល់ដឹងបន្ថែមអំពីទិសដៅគោលនយោបាយរូបិយវត្ថុរបស់ធនាគារកណ្តាលអាមេរិក។

តួយ៉ាង តម្លៃមាស Spot Gold បានងើបឡើង០,៦២ភាគរយដល់២៦៥៧,៣៥ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៦៩ភាគរយដល់២៦៥៨,១០ដុល្លារក្នុងមួយអោន គិតត្រឹមម៉ោង១០:៤១នាទីព្រឹក។

គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានបិទនៅត្រឹម២៦៤០,៩៦ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦៣៩,៩០ដុល្លារក្នុងមួយអោន។