ដោយៈ ស៊ីវ ម៉េង
ភ្នំពេញៈ អាផាតម៉ិន និងខុនដូ មានលក្ខណៈពិសេសដាច់ដោយឡែកពីគ្នា ប៉ុន្តែអ្នកជំនាញមួយចំនួនបានលើកឡើងថា ផ្នែកទាំងពីរនេះបាននិងកំពុងរួមបញ្ចូលនូវភាពដូចគ្នា បើទោះជាអ្នកអភិវឌ្ឍន៍ដំបូងឡើយ បានធ្វើឡើងក្នុងគោលដៅផ្សេងៗគ្នាក្តី។
១ ខុនដូ (ខុនដូ)
តើខុនដូ និងអាផាតម៉ិនមានភាពខុសគ្នាដូចម្តេចនិងមានលក្ខណៈពិសេសខុសគ្នាបែបណា
ភាពជាម្ចាស់ៈ យូនីតឬផ្ទះនីមួយៗ នៅក្នុងអគារត្រូវបានគ្រប់គ្រងដោយបុគ្គលផ្សេងៗគ្នា។
- អ្នកអាចទិញខុនដូ ឬជួលវាពីម្ចាស់។
ការគ្រប់គ្រង
- អគារខុនដូត្រូវបានគ្រប់គ្រងដោយថ្នាក់/សមាគមដែលបង្កើតឡើងដោយម្ចាស់។
- ច្បាប់ ការថែរទាំ និងគ្រឿងបរិក្ខារត្រូវបានគ្រប់គ្រង ដោយសមាគមនេះ។
គ្រឿងបរិក្ខារ៖
ជាធម្មតាគ្រឿងបរិក្ខារនៅលើឬក្នុងអាគារខុនដូល្អជាងអាផាតម៉ិន ដោយមានអាងហែលទឹក កន្លែងហាត់ប្រាណ ចំណតរថយន្ត សន្តិសុខ សួនច្បារ។ល។
គុណភាពនៃការរស់នៅ
ជាធម្មតា ផ្នែកខាងក្នុងអាគារខុនដូ មានគុណភាពខ្ពស់ជាង ព្រោះម្ចាស់ម្នាក់ៗ អាចជួសជុលអង្គភាពផ្ទាល់ខ្លួនបាន។
២ អាផាតម៉ិន
ភាពជាម្ចាស់៖
អគារទាំងមូលនៃអាផាតម៉ិនជាធម្មតា ត្រូវបានគ្រប់គ្រងដោយម្ចាស់ម្នាក់ ឬក្រុមហ៊ុនមួយ។ លោក អ្នកអាចជួលបានតែអង្គភាពនីមួយៗប៉ុណ្ណោះ មិនអាចទិញអង្គភាពនីមួយៗបានទេ។
ការគ្រប់គ្រងអាគារ
- គ្រប់គ្រងដោយម្ចាស់អគារ ឬក្រុមហ៊ុនអចលនទ្រព្យ។
- ច្បាប់ និងការរចនាផ្នែកខាងក្នុងគឺដូចគ្នា សម្រាប់យូនីតឬផ្ទះទាំងអស់នៃអាគារនិមួយៗ។
គ្រឿងបរិក្ខារ
- ជាធម្មតាមានគ្រឿងបរិក្ខារនៅតាមអាផាតម៉ិន មានតិចជាងខុនដូ (អាស្រ័យលើប្រទេស ឬអគារ)។
គុណភាព
- ការរចនាស្តង់ដារ មិនអាចប្ដូរតាមបំណងបានទេ៕
