ដោយៈ គង់ សូរិយា
ភ្នំពេញៈ ធនាគារពិភពលោកប្រើប្រាស់ GNI ក្នុងមនុស្សម្នាក់ (មិនមែនGDP ក្នុងមនុស្សម្នាក់ទេ) ដើម្បីចាត់ថ្នាក់កម្រិតចំណូលរបស់ប្រទេសមួយ។
ប៉ុន្តែមនុស្សជាច្រើនលាយបញ្ចូលគ្នាទាំងពីរ ដូច្នេះយើងនឹងពន្យល់យ៉ាងច្បាស់ និងសាមញ្ញ។
តើធនាគារពិភពលោកចាត់ចំណាត់ថ្នាក់បែបណា សម្រាប់ប្រាក់ចំណូលសម្រាប់ប្រទេសអ្នកមាន និងអ្នកក្រ?
ស្តង់ដាចំណាត់ថ្នាក់ចំណូលធនាគារពិភពលោក ឆ្នាំ២០២៤-២០២៥។
១. ប្រទេសដែលមានចំណូលទាបឬប្រទេសមានការអភិវឌ្ឍតិចតួច
ប្រទេសស្ថិតក្នុងចំណាត់ថ្នាក់នេះ ប្រជាជនម្នាក់មានប្រាក់ចំណូលចំនួន១,១៣៥ ដុល្លារ ឬតិចជាងនេះក្នុងមនុស្សម្នាក់ក្នុងមួយឆ្នាំ។
២. ប្រទេសដែលមានចំណូលទាប-មធ្យម
សម្រាប់ប្រទេសស្ថិតក្នុងចំណាត់ថ្នាក់ ជាប្រទេសមានប្រាក់ចំណូលមធ្យមកម្រិតទាបដូចជាកម្ពុជាបច្ចុប្បន្ន គឺមនុស្សម្នាក់មានប្រាក់ចំណូលចន្លោះពី១,១៣៦ ដុល្លារដល់៤,៤៦៥ ដុល្លារក្នុងមនុស្សម្នាក់ក្នុងមួយឆ្នាំ។
៣. ប្រទេសដែលមានចំណូលខ្ពស់-មធ្យម
នេះជាប្រទេសដែលកម្ពុជាកំពុងឆ្ពោះទៅកាន់ឆ្នាំ២០៣០ ជាប្រទេសមានប្រាក់ចំណូលមធ្យមកម្រិតខ្ពស់ គឺប្រជាជនម្នាក់មានប្រាក់ចំណូលចន្លោះពី៤,៤៦៦ ដុល្លារ ទៅ១៣,៨៤៥ ដុល្លារក្នុងមនុស្សម្នាក់ក្នុងមួយឆ្នាំ។
៤. ប្រទេសដែលមានចំណូលខ្ពស់
វាជាឋានៈប្រទេស នៃគោលដៅប្រកបដោយមហិច្ឆតារបាស់កម្ពុជា ដែលគ្រោងសម្រេចបាននៅឆ្នាំ២០៥០ ដោយមនុស្សម្នាក់នឹងមានចំណូលចន្លោះពី១៣,៨៤៦ ដុល្លារឬច្រើនជាងនេះក្នុងមនុស្សម្នាក់ក្នុងមួយឆ្នាំ។
ទោះជាយ៉ាងណាកម្រិតទាំងនេះ តែងតែធ្វើបច្ចុប្បន្នភាពរៀងរាល់ខែកក្កដា នៃឆ្នាំនិមួយៗ។
ប្រាក់ចំណូលប្រចាំឆ្នាំរបស់ប្រជាពលរដ្ឋ(GDP Per Capital)ក្នុងមនុស្សម្នាក់គឺស្រដៀងគ្នា ប៉ុន្តែមិនត្រូវបានប្រើប្រាស់ជាផ្លូវការសម្រាប់ការចាត់ថ្នាក់ចំណូលទេ៕
 ដើម្បីចាត់ថ្នាក់កម្រិតចំណូលរបស់ប្រទេសមួយ។){kind=link}