ដោយ: សហសេវិក
អន្តរជាតិ: តម្លៃផ្ទះនៅទីក្រុងហុងកុងនៃប្រទេសចិនបានកើនឡើងក្នុងអត្រាប្រចាំឆ្នាំជាលើកដំបូងមិនធ្លាប់មានក្នុងរយៈពេល៤ឆ្នាំកន្លងមក។ នេះជាសញ្ញាច្បាស់លាស់បំផុតបង្ហាញថា ទីផ្សារលំនៅឋានរបស់ទីក្រុងហុងកុងកំពុងចាប់ផ្តើមងើបឡើងវិញ។
តម្លៃផ្ទះនៅតំបន់រដ្ឋបាលពិសេសហុងកុងបានកើនឡើង៣,២៥ភាគរយនៅឆ្នាំ២០២៥បើធៀបនឹងឆ្នាំ២០២៤ ដែលជាការកើនឡើងប្រចាំឆ្នាំលើកដំបូងចាប់តាំងពីឆ្នាំ២០២១។នេះបើយោងតាមការចុះផ្សាយដោយកាសែត Bloomberg។
ទំនុកចិត្តលើទីផ្សារលំនៅឋាននៅក្នុងមជ្ឈមណ្ឌលហិរញ្ញវត្ថុអាស៊ីមួយនេះបានងើបឡើងវិញ ដោយសារអត្រាការប្រាក់លើកម្ចីទិញផ្ទះបានធ្លាក់ចុះ និងកំណើននៃតម្រូវការរបស់អ្នកទិញផ្ទះមកពីតំបន់ចិនដីគោក។
