ដោយៈ ចំណាន
ភ្នំពេញៈ របាយការណ៍មួយចំនួនបានបង្ហាញថា មានក្រុមហ៊ុនម៉ាកយីហោល្បីឈ្មោះថៃមួយចំនួន បានសម្រេចចិត្តចាកចេញពីកម្ពុជា ដែលចំនួននេះគឺមានចំនួនតិចតួច បើប្រៀបធៀបទៅនឹងចំនួនម៉ាកយីហោដែលបន្តដំណើរការ ឬកំពុងចូលមកកាន់ប្រទេសកម្ពុជា។
ឧទាហរណ៍មួយចំនួននៃម៉ាកយីហោ ឬក្រុមហ៊ុនដែលបានចាកចេញ ផ្អាក ឬកាត់បន្ថយប្រតិបត្តិការរួមមានដូចជា ភោជនីយដ្ឋានថៃ The Pizza Company បានប្រកាសថា ខ្លួននឹងបញ្ឈប់ប្រតិបត្តិការនៅក្នុងប្រទេសកម្ពុជានៅឆ្នាំ២០២៦ ហើយនឹងត្រូវបានជំនួសដោយម៉ាកយីហោក្នុងស្រុក បន្ទាប់ពីការរៀបចំរចនាសម្ព័ន្ធ សាជីវកម្មឡើងវិញ។
ប្រតិបត្តិកររោងកុនថៃ Major Cineplex បានលក់ ឬចាកចេញពីអាជីវកម្មរបស់ខ្លួន នៅក្នុងប្រទេសកម្ពុជា បន្ទាប់ពីការធ្លាក់ចុះនៃប្រាក់ចំណូល ដែលទាក់ទងនឹងភាពតានតឹងរវាងកម្ពុជា និងថៃ។
ស្រាបៀរដូចជា Budweiser មិនបានចាកចេញពីប្រទេសកម្ពុជាទេ ប៉ុន្តែបានផ្លាស់ប្តូរការរៀបចំចែកចាយក្នុងស្រុក នៅឆ្នាំនេះ។
ក្រុមហ៊ុនផលិតផលប្រើប្រាស់មួយចំនួនរបស់ថៃ ដូចជា Osotspa បានបញ្ឈប់ការនាំចេញទៅកាន់ប្រទេសកម្ពុជា ខណៈដែលក្រុមហ៊ុន Thai President Foods បានផ្អាកផែនការផលិតកម្ម និងដកប្រទេសកម្ពុជា ចេញពីការព្យាករណ៍ឆ្នាំ2026 របស់ខ្លួន។
លើសពីនេះ ក្រុមហ៊ុនផ្តោតលើFashion ល្បីៗមួយចំនួនក៏បានបាត់ខ្លួនចេញពីផ្សារទំនើបធំៗដូចជា ផ្សារទំនើបអីអនម៉ល និងផ្សារល្បីៗមួយចំនួនផងដែរ ដោយសារអំណាចនៃការទិញមានកម្រិត និងភាពមិនទូកចិត្តរបស់ក្រុមអ្នកមានក្នុងស្រុក ដែលនៅតែនិយមទៅទិញនៅបរទេស។
ក្នុងពេលជាមួយគ្នានេះ ម៉ាកយីហោជាច្រើនកំពុងចូលមកកាន់ ឬពង្រីកអាជីវកម្មនៅក្នុងប្រទេសកម្ពុជា។
ម៉ាកយីហោមីឥណ្ឌូនេស៊ី Indomie កំពុងរៀបចំផែនការវិនិយោគផលិតកម្មនៅក្នុងប្រទេសកម្ពុជា។
ម៉ាកយីហោវៀតណាម បានបង្កើនវត្តមានរបស់ខ្លួននៅក្នុងប្រទេសកម្ពុជា និងបានជំនួសចំណែកទីផ្សារមួយចំនួន ដែលធ្លាប់កាន់កាប់ដោយផលិតផលថៃ។
ការវិនិយោគផលិតកម្មពីក្រុមហ៊ុនចិន និងអន្តរជាតិបន្តកើនឡើង។
“តើមានម៉ាកយីហោប៉ុន្មានដែលចាកចេញពីប្រទេសកម្ពុជា? ចម្លើយដ៏ល្អបំផុតគឺថា មិនមានចំនួនសរុប ដែលបានផ្ទៀងផ្ទាត់ដែលបានបោះពុម្ពផ្សាយដោយរដ្ឋាភិបាលកម្ពុជា ក្រុមប្រឹក្សាអភិវឌ្ឍន៍កម្ពុជា ឬក្រុមហ៊ុនស្រាវជ្រាវធំៗនោះទេ។
របាយការណ៍បង្ហាញថា ម៉ាកយីហោមួយចំនួនតូចបានចាកចេញ ឬកាត់បន្ថយប្រតិបត្តិការ ខណៈពេលដែលម៉ាកយីហោជាច្រើនទៀតបានចូល ឬពង្រីកនៅក្នុងទីផ្សារកម្ពុជា៕
