ដោយ: សហសេវិក
អន្តរជាតិ: គិតត្រឹមខែសីហា ឆ្នាំ២០២៦ តម្លៃដីធ្លីនៅទូទាំងទីក្រុងសំខាន់ៗរបស់តំបន់អាស៊ានមានភាពខុសគ្នាយ៉ាងខ្លាំង ដោយសារដង់ស៊ីតេប្រជាជន ការអភិវឌ្ឍសេដ្ឋកិច្ច ភាពអាចរកបាននៃដីធ្លី ហេដ្ឋារចនាសម្ព័ន្ធ និងភាពចាស់ទុំនៃទីផ្សារអចលនទ្រព្យក្នុងស្រុក។
តួយ៉ាង តម្លៃដីនៅប្រទេសសិង្ហបុរីមានតម្លៃចន្លោះពី៧.០០០ដុល្លារទៅ១៤.៥០០ដុល្លារក្នុងមួយម៉ែត្រការ៉េ ខណៈតម្លៃដីនៅទីក្រុងហ្សាការតា ប្រទេសឥណ្ឌូណេសុីមានតម្លៃប្រមាណ២.៩០០ដុល្លារក្នុងមួយម៉ែត្រការ៉េ។
តម្លៃដីនៅទីក្រុងម៉ានីល ប្រទេសហ្វីលីពីនមានតម្លៃប្រមាណ៨៥០ដុល្លារក្នុងមួយម៉ែត្រការ៉េ ខណៈតម្លៃដីនៅទីក្រុងគូឡាឡាំពួ ប្រទេសម៉ាឡេសុីមានតម្លៃប្រមាណ៩០០ដុល្លារក្នុងមួយម៉ែត្រការ៉េ។
តម្លៃដីនៅទីក្រុងហាណូយ ប្រទេសវៀតណាមមានតម្លៃប្រមាណ៨.០០០ដុល្លារក្នុងមួយម៉ែត្រការ៉េ ខណៈតម្លៃដីនៅទីក្រុងហូជីមិញមានតម្លៃចន្លោះពី១០០ដុល្លារទៅ២៧.០០០ដុល្លារក្នុងមួយម៉ែត្រការ៉េ។
តម្លៃដីនៅទីក្រុងវៀងចន្ទន៍ ប្រទេសឡាវមានតម្លៃប្រមាណ៤៥០ដុល្លារក្នុងមួយម៉ែត្រការ៉េ ខណៈតម្លៃដីនៅទីក្រុងភ្នំពេញមានតម្លៃប្រមាណ១.៧៩០ដុល្លារក្នុងមួយម៉ែត្រការ៉េ៕
