ភ្នំពេញ៖ នៅថ្ងៃទី២៣ ខែធ្នូ ឆ្នាំ២០២១នេះ ក្រុមហ៊ុន ខេអេច លែន បានបោះទុនជិត១លានដុល្លារទិញគ្រឿងចក្រ ដើម្បីពង្រឹងគុណភាពនៃការសាងសង់ និងការអភិវឌ្ឍក្នុងគម្រោងទីក្រុងពាណិជ្ជកម្មភ្នំតូច គម្រោងក្រុងថ្មីដីមាសសំរោងលើ និងគម្រោងបន្តបន្ទាប់ទៀតរបស់ខ្លួន។
ក្រុមហ៊ុន ខេអេច លែន បោះទុនជិត១លានដុល្លារទិញគ្រឿងចក្រ ដើម្បីពង្រឹងគុណភាពនៃការសាងសង់ និងអភិវឌ្ឍក្នុងគម្រោងទីក្រុងពាណិជ្ជកម្មភ្នំតូច គម្រោងក្រុងថ្មីដីមាសសំរោងលើ និងគម្រោងបន្តបន្ទាប់ទៀតរបស់ខ្លួន
គ្រឿងចក្រទាំង៤គ្រឿង ដែលក្រុមហ៊ុនបានទិញរួមមាន Excavator, Roller, Motor Grader, និង Bulldozer ដែលជាគ្រឿងចក្រប្រើប្រាស់បច្ចេកវិជ្ជាទំនើបចុងក្រោយម៉ាក CAT ដែលជាម៉ាកល្បី និងឈានមុខគេផ្នែកគ្រឿងចក្រទូទាំងពិភពលោក។
ការបោះទុនវិនិយោគនៅចុងឆ្នាំ២០២១នេះ ធ្វើឡើងក្នុងគោលបំណង ដើម្បីបំពេញតម្រូវការក្នុងការពង្រឹងគុណភាព នៃការសាងសង់ និងការអភិវឌ្ឍក្នុងគម្រោងទាំងមូល ប្រកបដោយគុណភាពខ្ពស់ និងបង្កើនទំនុកចិត្តជូនអតិថិជនរបស់ខ្លួន។
គួរបញ្ជាក់ផងដែរថា ក្រុមហ៊ុន ខេអេច លែន បានទទួលជោគជ័យក្នុងការអភិវឌ្ឍគម្រោងអចលទ្រព្យរបស់ខ្លួនជាច្រើនគម្រោងរួចមកហើយ ដែលសព្វថ្ងៃ ក្រុមហ៊ុន ក៏បានបន្តអភិវឌ្ឍគម្រោងថ្មីមួយរបស់ខ្លួនបន្ថែមទៀត ដែលមានឈ្មោះថា គម្រោងទីក្រុងពាណិជ្ជកម្មភ្នំតូច ស្ថិតនៅឃុំភ្នំតូច ស្រុកឧត្តុង ខែត្តកំពង់ស្ពឺ។
គម្រោងទីក្រុងពាណិជ្ជកម្មភ្នំតូច មានទំហំរហូតទៅដល់១០០ហិកតា ដែលជាប្រភេទគម្រោងអភិវឌ្ឍន៍បែបកូនកាត់ រួមមាន ដីឡូតិ៏ ផ្ទះអាជីវកម្ម វីឡាទោល វីឡាភ្លោះ និងវីឡាកូនកាត់។
ហើយក្នុងគម្រោង ក៏មានការរៀបចំតំបន់ពាណិជ្ជកម្មទាំង១០ និងមានផ្សារភ្នំតូចនៅក្នុងគម្រោងផ្ទាល់តែម្តង៕
