ដោយៈសុផារី
ភ្នំពេញៈ ក្រុមហ៊ុនសិង្ហបុរី សមានាគ្រុប បានទទួលបានការអនុម័តពីក្រុមប្រឹក្សាអភិវឌ្ឍន៍កម្ពុជា លើគម្រោងវិនិយោគលើកោះចំនួនបី នៅក្នុងខេត្តកែប រួមមាន កោះស្វាយ កោះម្ទេស និងកោះកុក ក្រោមទុនវិនិយោគប្រមាណ១៨,២លានដុល្លារ។
ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១ ខែកញ្ញា ឆ្នាំ២០២២កន្លងមកនេះ បានអនុម័តនូវគម្រោងវិនិយោគអភិវឌ្ឍន៍កោះស្វាយ កោះម្ទេស និងកោះកុក របស់ក្រុមហ៊ុន SAMANEA CO., LTD ដែលមានទីតាំងវិនិយោគស្ថិតនៅភូមិកែប សង្កាត់កែប ក្រុងកែប ខេត្តកែប ក្នុងទុនវិនិយោគប្រមាណ១៨,២លានដុល្លារអាមេរិក និងអាចបង្កើតការងារបានចំនួន៦០កន្លែង។
