ដោយ: លាងហួរ
បាងកក: អ្នកនាំពាក្យរាជរដ្ឋាភិបាលថៃ លោកស្រី Rachada Dhnadirek បានឱ្យដឹងថា រដ្ឋាភិបាលគ្រោងបោះទុនវិនិយោគប្រមាណ៣៨,៩៤ពាន់លានដុល្លារ ដើម្បីប្រែក្លាយច្រករបៀងសេដ្ឋកិច្ចភាគខាងកើត (ECC) របស់ឆ្នេរសមុទ្រភាគខាងកើត ទៅជាមជ្ឈមណ្ឌលហិរញ្ញវត្ថុក្នុងតំបន់ និងជាទីក្រុងឆ្លាតវៃលំដាប់ពិភពលោកនៅឆ្នាំ២០៣៧។
លោកស្រីបន្តថា ក្នុងរយៈពេល១០ឆ្នាំដំបូង គម្រោងនេះនឹងផ្តោតលើការអភិវឌ្ឍ វិស័យអាជីវកម្ម និងហិរញ្ញវត្ថុ ការិយាល័យអាជីវកម្មក្នុងតំបន់ ការិយាល័យរដ្ឋាភិបាល មន្ទីរពេទ្យ និងមជ្ឈមណ្ឌលអប់រំ។
លោកស្រីបានបញ្ជាក់ថា ទីក្រុងឆ្លាតវៃ នឹងត្រូវបានគេស្គាល់ថាជា ប្រព័ន្ធបច្ចេកវិទ្យាច្នៃប្រឌិត ដែលគ្របដណ្តប់លើវិស័យសំខាន់ៗចំនួន៧ រួមមាន ការចល័តឆ្លាតវៃ ថាមពលឆ្លាតវៃ បរិស្ថានឆ្លាតវៃ ការរស់នៅឆ្លាតវៃ មនុស្សឆ្លាត សេដ្ឋកិច្ចឆ្លាតវៃ និងអភិបាលកិច្ចឆ្លាតវៃ។
ច្រករបៀងនេះលាតសន្ធឹង លើខេត្តភាគខាងកើតចំនួន៣ រួមមាន ខេត្តឈុនបុរី ខេត្តរ៉ាក់យ៉ង និងខេត្តឆាឈឿងសៅ។
ទំហំនៃការវិនិយោគ ប្រមាណ៣៨,៩៤ពាន់លានដុល្លារនេះ នឹងពង្រីកផលិតផល ក្នុងស្រុកសរុបរបស់ប្រទេសថៃ ប្រហែល៥៧,៧ពាន់លានដុល្លារ នៅក្នុងរយៈពេល១០ឆ្នាំ ហើយទីក្រុងឆ្លាតវៃ EEC ត្រូវបានគេរំពឹងថា នឹងមានប្រជាជនប្រមាណ៣៥ម៉ឺននាក់ មករស់នៅក្នុងឆ្នាំ២០៣២៕
