ដោយៈ ស៊ីវ ម៉េង
ភ្នំពេញៈ ក្រុមហ៊ុនអចលនទ្រព្យអន្តរជាតិPropNex Cambodiaកាលពីថ្ងៃទី៩ មករាកន្លងមកនេះ បានរៀបចំបទបង្ហាញពីទីផ្សារអចលនទ្រព្យឆ្នាំ២០២២ និងទស្សនវិស័យឆ្នាំ២០២៣។
កម្មវិធីនេះ មានការចូលរួមពីវាគ្មិនជាតិ អន្តរជាតិ រួមមាន អ្នកស្រីអាន សុធីតា អគ្គ្កនាយិកាក្រុមហ៊ុនPropNex Cambodia លោកAlan Neos ប្រធានក្រុមហ៊ុនPropNex Cambodia និងវាគ្មិនជាតិ អន្តរជាតិពីររូបទៀតផងដែរ។
យោងតាមព៌តមាន ដែលបានបង្ហាញលើបណ្តាញទំនាក់ទំនងសង្គមរបស់ក្រុមហ៊ុននេះបានឲ្យដឹងថា សិក្ខាសាលាទស្សនវិស័យទីផ្សារផ្តាច់មុខនឹងផ្តល់នូវព៌តមាន ការវិភាគដល់អ្នកទិញ និងអ្នកវិនិយោគជាច្រើន បានទាញយកអត្ថប្រយោជន៍ពីទីផ្សារ និងនិន្នាការអចលនទ្រព្យកាលពីឆ្នាំមុន ហើយបានប្រមូលផលពីការវិនិយោគរបស់ពួកគេ។
តើនិន្នាការនេះនឹងបន្តនៅឆ្នាំ2023ដែរឬទេ? តើអ្នកអាចត្រៀមខ្លួនយ៉ាងណា សម្រាប់ការវិនិយោគអចលនទ្រព្យ នាពេលខាងមុខរបស់អ្នក? វិនិយោគិនជាច្រើនចាប់អារម្មណ៍ បានចូលរួមសិក្ខាសាលាស្តីពីទស្សនវិស័យទីផ្សារ និងយុទ្ធសាស្រ្តវិនិយោគឆ្នាំ2023។
កម្មវិធីនេះ ក៏មានការអញ្ជើញចូលរួមពីលោក Dilip Aloye មកពី Archetype និងមេធាវីLeang Khim មកពីKNC Associates សិក្ខាសាលានេះបានផ្តល់ចំណេះដឹងខាន់ៗ ដែលជួយអ្នកចូលរួមក្នុងការចាប់យកព័ត៌មានទីផ្សារ។
នៅក្នុងកម្មវវិធីនេះ លោកAlan Neosបានបង្ហាញពីដំណើរការនិងការរីកចម្រើនរបស់ក្រុមហ៊ុនPropNex ដែលជាក្រុមហ៊ុនលំដាប់លេខ១នៅប្រទេសសឹង្ហបុរី និងការឈានជើងចូលទីផ្សារកម្ពុជា ដោយសារការរីកចម្រើនរបស់កម្ពុជាលើវិស័យអចលនទ្រព្យ។
ជាមួយគ្នានេះ អ្នកស្រីអាន សុធីតាអគ្គនាយិកាក្រុមហ៊ុនPropNex Cambodia បានធ្វើបទបង្ហាញលើទិដ្ឋភាពសំខាន់ៗជាច្រើនចំណុច ពីផ្នែកផ្សេងៗ ដែលនឹងមានការរីកចម្រើនខ្លាំងនៅឆ្នាំ២០២៣នេះ និងឱកាសវិនិយោគ ដែលអ្នកវិនិយោគគួរផ្តោតនិងសិក្សាស្វែងយល់៕
