ដោយៈ ជេស៊ីកា
ភ្នំពេញៈ មានប្រវត្តិជាអ្នករកស៊ីផ្នែកភស្តុភារកម្ម និងអភិវឌ្ឍន៍ផ្នែកបច្ចេកវិទ្យា លោកCooler Tanតែងតែបានចេញដើរទៅកាន់បរទេស ជាមួយនឹងការសិក្សាស្វែងយល់ ពីទស្សនវិស័យនៃការអភិវឌ្ឍន៍សកល និងអ្វីជាតម្រូវការរបស់ប្រជាពលរដ្ឋ។
នៅពេលសេដ្ឋកិច្ចរីកចម្រើន អំណាចនៃការទិញបានកើនឡើងជាស្វ័យប្រវត្តិ វាជាមូលដ្ឋាននៃការសម្រេចចិត្តរបស់លោក ប្រឡូកចូលក្នុងវិស័យនេះ។
លោកបានថ្លែងកាលពីពេលថ្មីៗនេះថា កាលពីមុនប្រជាពលរដ្ឋត្រូវការតែរបស់ញាំ និងផ្ទះស្នាក់នៅ ប៉ុន្តែបច្ចុប្បន្នពួកគាត់មានអាហារមានផ្ទះស្នាក់នៅ ហេតុនេះពួកគេត្រូវការផ្ទះលំហែរមួយទៀត បន្ទាប់ពីពួកគេសំរាកពីការងារ។
ទោះទីផ្សារដីឡូត៍ជាច្រើនបានជួបបញ្ហាក្តី ប៉ុន្តែលោកCooler Tanមិនមានបញ្ហានោះទេ ដោយសារលោកអភិវឌ្ឍន៍ពិត ធ្វើឡើងស្របតាមរសនិយម នឹងការចង់បានរបស់ប្រជាពលរដ្ឋ ព្រោះលោកអភិវឌ្ឍន៍មិនត្រឹមតែបោះបង្គោលដីចោល និងមានប្លង់តែក្នុង3Dនោះទេ ប៉ុន្តែលោកធ្វើពិត និងរៀបចំផែនការអភិវឌ្ឍន៍ច្បាស់លាស់ និងជាការអភិវឌ្ឍន៍ដោយចីរភាព។
ជាក់ស្តែងគំរោងអភិវឌ្ឍន៍ឆ្នេរសមុទ្រកោងកាង លោកបានបោះទុនយ៉ាងច្រើនរហូតដល់១លានដុល្លារ សម្រាប់ហេដ្ឋារចនាសម្ព័ន្ឋនានា ដូចជាការដាំដើមដូងជាង៤០០ដើម ស្ពានប្រវែងជិត២គីឡួម៉ែត្រ ជីកព្រែក រៀបចំសួនច្បារជាដើម។
លោកCooler Tanអគ្គនាយកក្រុមហ៊ុនYoungsia Real Estateបានបន្តថា ដីលំហែរជាប់សមុទ្រក្រុងកែបនេះ បាននិងកំពុងអភិវឌ្ឍន៍អត់ឈប់ឈរ។ លោកបន្តថា យើងកំពុងធ្វើសកម្មភាពចាក់ដី បំពេញបន្ថែមក្នុងគម្រោង ដើម្បីពន្លឿនដល់ការអភិវឌ្ឍន៍ឲ្យកាន់តែឆាប់រហ័ស។
គំរោងឆ្នេរសមុទ្រកោងកាង ស្ថិតក្នុងភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ចម្ងាយប្រមាណ២គីឡូម៉ែត្រ ពីរង្វង់មូលសេះស។
លោកCooler Tanបានបញ្ជាក់ថា គំរោងឆ្នេរសមុទ្រកោងកាង ជាគំរោងដែលមានប្រណីតភាព និងជាគំរោងដែលបានចំណាយទុនវិនិយោគច្រើនជាងគេ ធៀបនឹងគំរោងមុនៗរបស់លោក ដោយសារការអភិវឌ្ឍន៍របស់យើងធ្វើឡើង ដើម្បីគាំទ្រគោលនយោបាយរបស់រាជរដ្ឋាភិបាល ក្នុងការប្រែក្លាយខេត្តកែប ជាតំបន់លំហែរកាយកម្រិតខ្ពស់៕
