ដោយៈ គង់ សូរិយា
ភ្នំពេញៈ លោកឧកញ៉ាបណ្ឌិតគីម ហ៊ាងបានបង្ហើបឲ្យដឹងថាក្រុមហ៊ុនKW Cambodia នឹងពង្រីកសាខាទៅកាន់ក្រុងព្រះសីហនុនាពេលឆាប់ៗខាងមុខនេះ។
លោកឧកញ៉ាបានសរសេរ លើបណ្តាញទំនាក់ទំនងសង្គមកាលពីដើមសប្តាហ៍នេះដោយលើកយកចំណុចពិសេសមួយចំនួនទាក់ទងក្រុមហ៊ុនKW Cambodiaថា ក្រុមហ៊ុននេះមានចំណុចពិសេសៗជាច្រើនរួមមាន ទី១ KW Cambodia គឺជាយីហោ នៃក្រុមហ៊ុនអចលនទ្រព្យអាមេរិក ដែលមានសាខា និងអនុសាខា នៅ៥២ប្រទេស៥ទ្វីប និងមានសមាជិកជិត ២០០,០០០នាក់ នៅទូទាំងពិភពលោក ទី២ KW Cambodia មានសាខា និងអនុសាខានៅរាជធានីភ្នំពេញ ខេត្តបាត់ដំបង សៀមរាប កំពង់ចាម និងត្រៀមបើកនៅ កំពង់សោម (ក្រុងព្រះសីហនុ) ក្នុងពេលឆាប់ៗនេះ។
