ដោយៈ ជេស៊ីកា
ភ្នំពេញៈ លោកស្រីCARMEN CHONGនាយកប្រតិបតិ្តសមាគមAREAA Global បានថ្លែងថា យើងបានផ្លាស់ប្តូរការគិត នៅពេលមកកាន់កម្ពុជា។
លោកស្រីបានមានប្រសាសន៍ ក្នុងពិធីប្រកាសបើកការិយាល័យតំណាងAREAA Global ប្រចាំកម្ពុជាកាលពីរាត្រីថ្ងៃទី២៤ កុម្ភៈថា សមាជិក និងថ្នាក់ដឹកនាំរបស់AREAA Globalមានអារម្មណ៍សប្បាយរីករាយយ៉ាងខ្លាំង ពេលបានមកដល់កម្ពុជា ជាមួយនឹងការស្វាគមន៍ ស្នាមញញឹមប្រកបដោយភាពកក់ក្តៅពីប្រជាជនកម្ពុជា។
លោកស្រីបានបញ្ជាក់ថា “យើងបានផ្លាស់ប្តូររបៀបគិតរបស់យើង ពេលយើងមកកាន់ទីនេះ ហើយយើងនឹងផ្សព្វផ្សាយពីកម្ពុជាទៅកាន់ពិភពលោក”។ លោកស្រីបន្តថា “យើងរីករាយក្នុងការបង្ហាញ និងបើកការិយាល័យនៅទីក្រុងភ្នំពេញ ជាមួយប្រជាជនមានបេះដូងដ៏កក់ក្តៅ”។
ថ្នា្កក់ដឹកនាំAREAA Global មកពីសហរដ្ឋអាមេរិក បានប្រកាសទទួលស្គាល់លោកជំទាវឧកញ៉ា ស៊ ធីតា ស្ថាបនិក និងជានាយិកាក្រុមហ៊ុន Royal 5G Really Co.,Ltd ជាប្រធាន លោកស្រីតាំង ហួរ ជាអនុប្រធាន និងលោកស្រីចេវ សុឃុនជាអគ្គលេខាធិការប្រចាំកម្ពុជាកាលពីរាត្រីថ្ងៃទី២៤ កុម្ភៈកន្លងមកនេះ។
សមាគមAREAA Globalបានមូលដ្ឋាននៅសហរដ្ឋអាមេរិក និងមានសមាជិកសរុប១៨,០០០នាក់ បែងចែកជា៥១ជាតិសាសន៍ និងនិយាយ២៦ភាសា៕
