សិង្ហបុរីគ្រោងសាងសង់សណ្ឋាគារដែលមានតម្លៃស្នាក់នៅខ្ពស់កប់ពពក និងរមណីយដ្ឋានជិះស្គីទឹកកកនៅប្រទេសជប៉ុន

ដោយ: គង់ លាងហួរ
អន្តរជាតិ: ក្រុមហ៊ុនអចលនទ្រព្យសិង្ហបុរី Patience Capital Group គ្រោងបោះទុនវិនិយោគចំនួន១,៤ពាន់លានដុល្លារអាមេរិកដើម្បីសាងសង់រមណីយដ្ឋានជិះស្គីដ៏ធំនៅតំបន់ខ្ពង់រាប Myoko របស់ប្រទេសជប៉ុន ដែលមានព្រិលធ្លាក់ខ្លាំង។

ជាមួយគ្នានេះ ក្រុមហ៊ុនអចលនទ្រព្យសិង្ហបុរី Patience Capital Group គ្រោងសាងសង់អគារសណ្ឋាគារចំនួន២នៅតំបន់មួយនេះ ដែលនឹងមានតម្លៃស្នាក់នៅខ្ពស់កប់ពពកចំនួន១.៣៥០ដុល្លារអាមេរិកក្នុងមួយយប់។

គម្រោងនេះនឹងបង្កើតឱកាសការងារចំនួន១.០០០កន្លែង និងជំរុញវិស័យទេសចរណ៍របស់ប្រទេសជប៉ុនក្នុងរដូវរងារ។ប៉ុន្តែ ប្រជាជនមូលដ្ឋាន ដែលរស់នៅក្នុងតំបន់ Myoko បានបង្ហាញក្តីបារម្ភថា គម្រោងដែលមានតម្លៃជាង១ពាន់លានដុល្លារអាមេរិកនេះអាចបំផ្លិចបំផ្លាញវប្បធម៌ប្រពៃណីរបស់ពួកគេ។