តម្លៃហាងឆេងមាសបានងើបឡើងថ្លៃនៅថ្ងៃចន្ទនេះ ខណៈទីផ្សារការងារនៅសហរដ្ឋអាមេរិកធ្លាក់ចុះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនាព្រឹកថ្ងៃចន្ទនេះ ខណៈអត្រាភាពគ្មានការងារធ្វើនៅសហរដ្ឋអាមេរិកបានកើនឡើងពី៤,២ភាគរយនៅខែកក្កដាដល់៤,៣ភាគរយនៅខែសីហា។ ទិន្នន័យនេះបង្ហាញថា ទីផ្សារការងារអាមេរិកធ្លាក់ចុះ ដែលនឹងជំរុញឱ្យធនាគារកណ្តាលអាមេរិកបញ្ចុះអត្រាការប្រាក់។

តួយ៉ាង តម្លៃមាស Spot Gold បានងើបឡើង០,១៦ភាគរយដល់៣៥៩១,៩៣ដុល្លារក្នុងមួយអោន បន្ទាប់ពីបានបិទការជួញដូរត្រឹមទំហំទឹកប្រាក់ប្រមាណ៣៥៨៦,៣៥ដុល្លារក្នុងមួយអោនកាលពីថ្ងៃសុក្រសប្តាហ៍មុន។

ទោះជាយ៉ាងណា តម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,៦២ភាគរយមកនៅត្រឹម៣៦៣០,៧ដុល្លារក្នុងមួយអោនគិតត្រឹមម៉ោង៩:៣១នាទីព្រឹកដូចគ្នា។