ដោយ: គង់ លាងហួរ
អន្តរជាតិ: ពិភពលោកបច្ចុប្បន្នកំពុងឆ្លងកាត់នូវយុគសម័យនៃនគរូបនីយកម្ម បញ្ហាប្រឈមអាកាសធាតុ និងនវានុវត្តន៍បច្ចេកវិទ្យា។ ទន្ទឹមគ្នានេះ ប្រទេសនានាជុំវិញពិភពលោកកំពុងបោះទុនវិនិយោគលើគម្រោងអភិវឌ្ឍន៍ធំៗដើម្បីត្រៀមខ្លួនសម្រាប់អនាគត។
ខាងក្រោមនេះជាគម្រោងអភិវឌ្ឍន៍ធំៗនៅតាមទ្វីបនានាលើពិភពលោក៖
ទី១: ទ្វីបអាសុី
ប្រទេសចិនកំពុងសាងសង់គម្រោងទំនប់វារីអគ្គិសនីខ្នាតយក្សឈ្មោះ Yarlung Zangbo នៅតំបន់ទីបេ ដែលនឹងមានសមត្ថភាពផលិតថាមពលអគ្គិសនីចំនួន៦០ជីហ្គាវ៉ាត់។ គម្រោងនេះបានចាប់ផ្តើមការសាងសង់នៅខែកក្កដា ឆ្នាំ២០២៥ ក្រោមទុនវិនិយោគជាង១ទ្រីលានយ័ន ដោយគ្រោងបញ្ចប់នៅឆ្នាំ២០៣៣។
ទី២: ទ្វីបអាហ្វ្រិក
ប្រទេសអេហ្សុីបបានអភិវឌ្ឍតំបន់សេដ្ឋកិច្ចពិសេសព្រែកជីកស៊ុយអេ (SCZone) ដោយលាតសន្ធឹងលើផ្ទៃដីទំហំប្រមាណ៤៦១គីឡូម៉ែត្រការ៉េ លើច្រាំងខាងកើត និងច្រាំងខាងលិចនៃព្រែកជីកស៊ុយអេ។
សម្រាប់ប្រទេសអេហ្ស៊ីប តំបន់ SCZone ជាមូលដ្ឋានគ្រឹះនៃគោលនយោបាយធ្វើពិពិធកម្មសេដ្ឋកិច្ចរបស់ខ្លួន ការបង្កើតការងារ ការបង្កើនការនាំចេញ ការកាត់បន្ថយការពឹងផ្អែកលើការនាំចូល និងទាញយកសក្តានុពលពីទីតាំងភូមិសាស្ត្រដ៏អំណោយផលរបស់ខ្លួន។
ទី៣: ទ្វីបអឺរ៉ុប
កាលពីដើមខែកញ្ញា ឆ្នាំ២០២៥ ប្រទេសអុីតាលីបានអនុម័តគម្រោងសាងសង់ស្ពានព្យួរដោយខ្សែកាបវែងជាងលើពិភពលោក ដោយតភ្ជាប់ពីតំបន់អុីតាលីដីគោកទៅកាន់កោះស្វយ័ត Sicily ឆ្លងកាត់ច្រកសមុទ្រ Messina។ ស្ពាននេះនឹងមានចម្ងាយ៣,៣គីឡូម៉ែត្រ និងគ្រោងបញ្ចប់ការសាងសង់នៅឆ្នាំ២០៣៣ខាងមុខ។
ទី៥: ទ្វីបអាមេរិក
សហរដ្ឋអាមេរិកបាននិងកំពុងសាងសង់គម្រោងផ្លូវដែកល្បឿនលឿនក្នុងរដ្ឋកាលីហ្វ័រញ៉ា ដើម្បីតភ្ជាប់រវាងទីក្រុង Los Angeles និងទីក្រុង San Francisco ក្រោមទុនវិនិយោគប្រមាណ៧០ពាន់លានដុល្លារ និងគ្រោងបញ្ចប់ការសាងសង់នៅឆ្នាំ២០៣០៕ប្រភព: The West Australian៕
