ដោយ: គង់ លាងហួរ
អន្តរជាតិ: យោងតាមទិន្នន័យពីការសិក្សាស្រាវជ្រាវថ្មីមួយបានបង្ហាញថា កំណើននៃតម្លៃអាផាតមុិនក្នុងទីក្រុងសេអ៊ូលនៃប្រទេសកូរ៉េខាងត្បូងបានជំរុញឱ្យទំហំមូលធនបត្រទីផ្សារអាផាតមុិនក្នុងទីក្រុងមួយនេះកើនឡើងជិត១០ភាគរយចាប់តាំងពីចុងឆ្នាំ២០២៤។
ទំហំមូលធនបត្រទីផ្សារអាផាតមុិននៅក្នុងរដ្ឋធានីសេអ៊ូលបានកើនឡើងដល់ប្រមាណ១,២៦ទ្រីលានដុល្លារអាមេរិក គិតត្រឹមចុងខែកញ្ញា ឆ្នាំ២០២៥ កើនឡើង៩,៣ភាគរយបើធៀបនឹងចុងឆ្នាំ២០២៤។ នេះបើយោងតាមការស្ទង់មតិរបស់ក្រុមហ៊ុនអចលនទ្រព្យ Real Estate 114។
អត្រាកំណើននេះបានវ៉ាដាច់កំណើននៃទំហំមូលធនបត្រទីផ្សារអាផាតមុិនទូទាំងប្រទេសកូរ៉េខាងត្បូង ដែលបានកើនឡើង៤,៣ភាគរយដល់ទំហំទឹកប្រាក់ប្រហែល២,៩៤ទ្រីលានដុល្លារអាមេរិកគិតត្រឹមចុងខែកញ្ញាដូចគ្នា។
កន្លងទៅ រដ្ឋាភិបាលកូរ៉េខាងត្បូងបានដាក់ចេញនូវវិធានការទប់ស្កាត់ការកើនឡើងនៃតម្លៃផ្ទះ និងបំណុលគ្រួសារ រួមមានការរឹតបន្តឹងបទប្បញ្ញត្តិនៃការផ្តល់ប្រាក់កម្ចី និងគោលនយោបាយជំរុញការផ្គត់ផ្គង់លំនៅដ្ឋាន។
ដោយឡែក ទំហំមូលធនបត្រទីផ្សារអាផាតមុិននៅទីក្រុង Sejong បានកើនឡើង៥,៤ភាគរយដល់ចំនួន៦៣,៨ទ្រីលានវ៉ុន(ប្រមាណ៤៥,៣៦ពាន់លានដុល្លារ)។
ចំណែក ទំហំមូលធនបត្រទីផ្សារអាផាតមុិននៅខេត្ត Gyeonggi ជាប់ទីក្រុងសេអ៊ូលបានកើនឡើងដល់ចំនួន៨៣៨,២៥ពាន់លានដុល្លារ៕ប្រភព: Korea Times៕
