ដោយ: សហសេវិក
អន្តរជាតិ: ប្រធានាធិបតីរបស់ប្រទេសកូរ៉េខាងត្បូងលោក Lee Jae Myung បានគូសបញ្ជាក់ថា រដ្ឋាភិបាលនឹងមិនពិចារណាលើការបន្តការលើកលែងពន្ធលើប្រាក់ចំណេញមូលធនសម្រាប់បុគ្គល ដែលមានផ្ទះច្រើនខ្នងនោះទេ។
វិធានការលើកលែងពន្ធបណ្ដោះអាសន្នលើចំណេញមូលធន ដែលនឹងផុតកំណត់នៅខែឧសភា ឆ្នាំនេះ ត្រូវបានដាក់ចេញកាលពីខែឧសភា ឆ្នាំ២០២២ ដែលជាផ្នែកមួយនៃកិច្ចខិតខំប្រឹងប្រែងដើម្បីជំរុញទីផ្សារអចលនទ្រព្យ ហើយត្រូវបានបន្តសពុលភាពជារៀងរាល់ឆ្នាំ។
លោក Lee បានសរសេរនៅលើបណ្តាញប្រព័ន្ធផ្សព្វផ្សាយសង្គម X ថា ការបន្តលើកលែងពន្ធលើប្រាក់ចំណេញមូលធនមិនស្ថិតក្រោមការពិចារណាទាល់តែសោះ។
-->
ក្រោមច្បាប់បច្ចុប្បន្ន ពន្ធលើប្រាក់ចំណេញមូលធនលើការលក់អចលនទ្រព្យមានអត្រាចាប់ពី៦ភាគរយទៅ៤៥ភាគរយ។ បុគ្គល ដែលមានផ្ទះចំនួន២ខ្នងស្ថិតនៅតំបន់ Speculative zone ប្រឈមមុខនឹងការដំឡើងពន្ធបន្ថែមចំនួន២០ភាគរយ ខណៈបុគ្គល ដែលមានផ្ទះ៣ខ្នងត្រូវប្រឈមមុខនឹងការបង់ពន្ធចំនួន៣០ភាគរយបន្ថែមពីលើអត្រាមូលដ្ឋាន។
លោក Lee ក៏បានចោទសួរអំពីភាពយុត្តិធម៌នៃការលើកលែងពន្ធពិសេសសម្រាប់ម្ចាស់ផ្ទះដែលបានកាន់កាប់អចលនទ្រព្យអស់រយៈពេលជាង៣ឆ្នាំ ជាពិសេសនៅពេលដែលផ្ទះទាំងនោះត្រូវបានកាន់កាប់សម្រាប់គោលបំណងវិនិយោគ។
លោក Lee បានសរសេរថា ប្រព័ន្ធបែបនេះអាចរារាំងការលក់អចលនទ្រព្យ ហើយផ្ទុយទៅវិញ ប្រព័ន្ធនេះអាចលើកទឹកចិត្តដល់ការទិញអចលនទ្រព្យដើម្បីវិនិយោគ(speculation) ៕ប្រភព: Korea Herald៕
