ដោយៈ គង់ សូរិយា
កណ្តាលៈ អភិវឌ្ឍន៍ឡើងក្នុងរូបភាពជាទីក្រុងតូចមូយVictoria Park បាននិងកំពុងរៀបចំហេដ្ឋារចនាសម្ព័ន្ធនានា បំរើឲ្យទស្សនវិស័យសម្រាប់ការអភិវឌ្ឍដោយចីរភាព។
ទីក្រុងVictoria Park ដែលអភិវឌ្ឍដោយ ក្រុមហ៊ុន Victoria
Parkland Co., Ltd. ជាគម្រោងអភិវឌ្ឍន៍ដ៏ទំនើបលើផ្ទៃដីសរុប៥០ហិកតា ស្ថិតនៅតំបន់កំពុងអភិវឌ្ឍលឿននៃក្រុងតាខ្មៅ ដែលមានគោលបំណងបង្កើតស្តង់ដារថ្មីសម្រាប់ការរស់នៅបែបទំនើបនៅកម្ពុជា។
លោកបណ្ឌិតតេង រិទ្ធីអ្នកអភិវឌ្ឍន៍គំរោងនេះបានមានប្រសាសន៍
ឲ្យដឹងកាលពីចុងសប្តាហ៍មុនថា គម្រោងនេះត្រូវបានរៀបចំយ៉ាងប្រុងប្រយ័ត្ន ដោយមាន៣០ហិកតា សម្រាប់ការអភិវឌ្ឍលំនៅដ្ឋាន (Villa) និងផ្ទះអាជីវកម្ម (Shophouse) ផ្តល់នូវបរិយាកាសរស់នៅមានរចនាសម្ព័ន្ធល្អ និងមានសុវត្ថិភាព។
ជាមួយគ្នានេះផ្ទៃដីទំហំ២០ហិកតា ត្រូវបានកំណត់សម្រាប់ការអភិវឌ្ឍបែបចម្រុះ (Mixed-Use Development) រួមមានអគារខុនដូ (Condominium)កម្ពស់ខ្ពស់ ផ្សារទំនើប (Commercial Mall) និងមជ្ឈមណ្ឌលសេវាកម្ម និងសកម្មភាពរស់នៅ (Lifestyle Facilities) ដែលបង្កើតជាសហគមន៍រស់នៅពេញលេញ និងទំនើប។
លោកបណ្ឌិតបានបញ្ជាក់ថា “Victoria Park មិនមែនជាគម្រោងលំនៅដ្ឋានបែបសាមញ្ញធម្មតាទេ ប៉ុន្តែជាគម្រោងទីក្រុងតូចមួយ (Urban Hub) ដែលរួមបញ្ចូលគ្នារវាងការរស់នៅ អាជីវកម្ម និងសេវាកម្មទំនើប ដើម្បីបង្កើតតម្លៃរយៈពេលវែងសម្រាប់អ្នករស់នៅ និងវិនិយោគិន”។
លោកបន្តទៀតថា យើងសូមអញ្ជើញ វិនិយោគិន និងអ្នកអភិវឌ្ឍន៍ ទាំងក្នុងស្រុក និងអន្តរជាតិ មកចូលរួមជាដៃគូ ដើម្បីអភិវឌ្ឍគម្រោងដ៏សំខាន់នេះជាមួយគ្នា។ លោកបន្ថែមថា ក្រុមហ៊ុនរបស់យើងបើកទូលាយសម្រាប់ Partnership & Joint Development Opportunities សម្រាប់ព័ត៌មានបន្ថែម សូមទំនាក់ទំនងមកកាន់ក្រុមការងាររបស់យើងដោយផ្ទាល់ តាមរយៈលោកបណ្ឌិតតេង រិទ្ធីលេខទូរស័ព្ទ០១៧ ៦១៧ ០០៧៕
