ដោយៈ ចំណាន
ភ្នំពេញៈ គ្រូហុង ស៊ុយដ៏ល្បីអ្នកស្រីឡុង ណាលីបានលើកឡើងថា យុគនេះជាយុគ៩ ជាយុគភ្លើង យុគAi Degital យុគនៃការបង្កើតអ្វីថ្មីៗ មិនមែនជាយុគដី ដូចយុគ៨ទេ។
អ្នកស្រីបានសរសេរលើបណ្តាញសង្គមរបស់ខ្លួនថា “ដីមិនអាចឡើងថ្លៃដូចមុនបានទេ ការវិនិយោគដោយការទិញដីទុក ដើម្បីលក់ពេលឡើងថ្លៃដូចមុន ជារឿងដែលមានហានិភ័យខ្ពស់ បើគិតពីការប្រាក់ធនាគា ផលចំណេញពីដី មិនគ្រប់ការប្រាក់ទេ”។
ពិសេសពេលប្តូយុគបែបនេះ សេដ្ឋកិច្ចពិភពលោកធ្លាក់គ្រប់ប្រទេស ចរន្តលុយធំៗមិនមាន ទំរាំសេដ្ឋកិច្ចដើរវិញចុងឆ្នាំ២០២៨ ២០២៩ ទើបប្រសើរឡើង តែដីក៏មិនអាចឡើងថ្លៃដូចយុគ៨ដែរ។
អ្នកស្រីឡុង ណាលីបានបន្តថា បច្ចុប្បន្នយើងឃើញមានការផុសលក់ដី តម្លៃក្រោមទីផ្សារចន្លោះពី៥០ទៅ៦០ភាគរយ ក៏ពិបាករកអ្នកទិញ ព្រោះសេដ្ឋកិច្ចបច្ចុប្បន្នមនុស្សចំណាយ លើតែរបស់ចាំបាច់ប៉ុណ្ណោះ នេះជាសម័យកាលលុយថ្លៃ លុយមានតែចរន្តលុយតូចៗខ្មែរនិងខ្មែរក្នុងប្រទេស មិនមានចិនក្រឡុកតម្លៃទៀតទេ។
អ្នកស្រីបញ្ជាក់ទៀតថា “អ្នកលក់ដីបាននៅពេលនេះ ចាត់ទុកជាសំណាងធំ រាសីឡើង ចំណែកមុខរបរបុរី ទាល់តែស្តង់ដា ទើបអាចឈរជើងបាន”៕
