ដោយ: សហសេវិក
អន្តរជាតិ: ទីផ្សារលំនៅឋានថ្លៃបំផុតនៅតំបន់អឺរ៉ុបប្រមូលផ្តុំនៅប្រទេសស្វីស លុចសំបួរ ដាណឺម៉ាក បារាំង ហូឡង់ ន័រវេស និងចក្រភពអង់គ្លេស ខណៈតម្លៃផ្ទះនៅទីក្រុងមួយចំនួននៅតំបន់អឺរ៉ុបកណ្តាល ខាងកើត និងអាគ្នេយ៍នៅតែមានតម្លៃសមរម្យ។
ទីក្រុង Zurich នៃប្រទេសស្វីសឈរនៅលំដាប់កំពូលនៃទីផ្សារលំនៅឋានរបស់អឺរ៉ុប ដោយមានតម្លៃអាផាតមុិនជាមធ្យមប្រហែល១៨.២០៥ដុល្លារក្នុងមួយម៉ែត្រការ៉េ។
តម្លៃអាផាតមុិនជាមធ្យមនៅទីក្រុងលុចសំបួរ មានទំហំទឹកប្រាក់ចំនួន១០.៧៥០ដុល្លារក្នុងមួយម៉ែត្រការ៉េ ខណៈតម្លៃអាផាតមុិនជាមធ្យមនៅទីក្រុង Copenhagen នៃប្រទេសដាណឺម៉ាក មានទំហំទឹកប្រាក់ចំនួន៩.៧៤៤ដុល្លារក្នុងមួយម៉ែត្រការ៉េ។
តម្លៃអាផាតមុិនជាមធ្យមនៅទីក្រុងប៉ារីស នៃប្រទេសបារាំង មានទំហំទឹកប្រាក់ចំនួន៩.៦៧៤ដុល្លារក្នុងមួយម៉ែត្រការ៉េ ខណៈតម្លៃអាផាតមុិនជាមធ្យមនៅទីក្រុង Amsterdam នៃប្រទេសហូឡង់ មានទំហំទឹកប្រាក់ចំនួន៩.៤៣៧ដុល្លារក្នុងមួយម៉ែត្រការ៉េ។
តម្លៃអាផាតមុិនជាមធ្យមនៅទីក្រុង Oslo នៃប្រទេសន័រវេស មានទំហំទឹកប្រាក់ចំនួន៨.៩៨៦ដុល្លារក្នុងមួយម៉ែត្រការ៉េ ខណៈតម្លៃអាផាតមុិនជាមធ្យមនៅទីក្រុង Stockholm នៃប្រទេសស៊ុយអែតមានទំហំទឹកប្រាក់ចំនួន៨.៣៣២ដុល្លារក្នុងមួយម៉ែត្រការ៉េ។
តម្លៃអាផាតមុិនជាមធ្យមនៅទីក្រុងឡុងដ៍ នៃប្រទេសអង់គ្លេស មានទំហំទឹកប្រាក់ចំនួន៨.៣២៤ដុល្លារក្នុងមួយម៉ែត្រការ៉េ ខណៈតម្លៃអាផាតមុិនជាមធ្យមនៅទីក្រុងម៉ាឌ្រីដ នៃប្រទេសអេស្ប៉ាញមានទំហំទឹកប្រាក់ចំនួន៥.៩៤៥ដុល្លារក្នុងមួយម៉ែត្រការ៉េ៕
