ដោយ: សហសេវិក
អន្តរជាតិ: ប្រទេសចិនកំពុងបង្កើនកិច្ចខិតខំប្រឹងប្រែងក្នុងការយកពន្ធលើទ្រព្យសម្បត្តិរនៅក្រៅប្រទេសរបស់ពលរដ្ឋចិន ដែលជំរុញឱ្យជនជាតិចិនដែលមានទ្រព្យសម្បត្តិស្តុកស្តម្ភពិចារណាឡើងវិញអំពីកន្លែង និងរបៀបដែលពួកគេរក្សាទុកទ្រព្យសម្បត្តិ។
ទីក្រុងប៉េកាំងកំពុងអនុវត្តពន្ធលើប្រាក់ចំណូល និងប្រាក់ចំណេញនៅក្រៅប្រទេសដែលរកបានដោយអ្នកជាប់ពន្ធចិន។
នៅចុងខែកក្កដា ប្រទេសចិនបានដាក់ពន្ធលើប្រាក់ចំណូល២០ភាគរយចំពោះបរធនបាលកិច្ចនៅក្រៅប្រទេស ដែលត្រូវបានប្រើប្រាស់ដោយបុគ្គលមានទ្រព្យសម្បត្តិដើម្បីកាន់កាប់ទ្រព្យសម្បត្តិនៅក្រៅប្រទេស។
ភាពមិនប្រាកដប្រជានេះបានលើកឡើងនូវសំណួរអំពីថា តើអ្នកទិញជនជាតិចិនអាចដកខ្លួនចេញពីទីផ្សារអចលនទ្រព្យនៅក្រៅប្រទេស ពិសេសសិង្ហបុរី ដែលពួកគេមានវត្តមានយ៉ាងច្រើនឬអត់។ ជនជាតិចិន បានក្លាយជាក្រុមជនបរទេសដែលបានទិញលំនៅឋានច្រើនជាងគេជាយូរមកហើយនៅសិង្ហបុរី។
រហូតមកដល់ពេលនេះ ក្នុងឆ្នាំ ២០២៦ ទិន្នន័យរបស់កាសែត Knight Frank បានបង្ហាញថា ទឹកប្រាក់ចំនួន ២,១ ពាន់លានដុល្លារអាមេរិកបានហូរចូលទៅក្នុងតំបន់អាសុីប៉ាសុីហ្វិក បើធៀបនឹង ៣,២ ពាន់លានដុល្លារអាមេរិកក្នុងឆ្នាំ ២០២៥ និង ៣,៧ ពាន់លានដុល្លារសិង្ហបុរីក្នុងឆ្នាំ ២០២៤។
ទីផ្សារការិយាល័យបានទាក់ទាញដើមទុនច្រើនជាងគេ ដោយមានទឹកប្រាក់ចំនួន២,៥ ពាន់លានដុល្លារអាមេរិកចន្លោះឆ្នាំ ២០២៣ និង២០២៥ តាមពីក្រោយដោយទីផ្សារអចលនទ្រព្យឧស្សាហកម្មដែលមានទឹកប្រាក់ចំនួន ២,៤ ពាន់លានដុល្លារអាមេរិក និងមជ្ឈមណ្ឌលទិន្នន័យដែលមានទឹកប្រាក់ចំនួន ១,៨ ពាន់លានដុល្លារអាមេរិក៕
