ដោយៈ ប៊ី
ភ្នំពេញៈ អ្នកគ្រប់គ្រងគម្រោងផ្លូវល្បឿនលឿនបានបញ្ជាក់ថា ផ្លូវល្បឿនលឿនភ្នំពេញ-សីហនុ ដែលស្ថាបនាសម្រេចបានប្រមាណ៤០ភាគរយ បាននិងកំពុងស្ថាបនា ដោយផ្អែកលើបច្ចេកវិទ្យា ដែលមិនប៉ះពាល់ដល់បរិស្ថាន និងការអភិវឌ្ឍប្រកបដោយចីរភាព។
លោក Hu Zhaoguang អ្នកគ្រប់គ្រងទូទៅនៃគម្រោងផ្លូវល្បឿនលឿននេះ បានថ្លែងប្រាប់កាសែតចិន Xinhuaកាលថ្មីៗនេះថា បច្ចេកវិទ្យា ដែលមិនប៉ះពាល់ដល់បរិស្ថាន ត្រូវបានអនុវត្ត ដើម្បីសាងសង់ “ផ្លូវល្បឿនលឿនបៃតង” (ផ្លូវល្បឿនលឿនភ្នំពេញ-ព្រះសីហនុ) និងការអភិវឌ្ឍប្រកបដោយចីរភាព។
លោកបន្ថែមថា ផ្លូវល្បឿនលឿនមិនត្រឹមតែជួយជំរុញសេដ្ឋកិច្ចកម្ពុជាប៉ុណ្ណោះទេ ថែមទាំងដឹកនាំ “និន្នាការបៃតង” នៅក្នុងឧស្សាហកម្មហេដ្ឋារចនាសម្ព័ន្ធ ដើម្បីការពារបរិស្ថានរបស់ប្រទេសកម្ពុជាផងដែរ។
លោក Zeng Feng អនុប្រធានវិស្វករនៃគម្រោងផ្លូវល្បឿនលឿនភ្នំពេញ-ព្រះសីហនុ សម្បីតែកន្លែងយកថ្មត្រូវតំឡើងឧបករណ៍ប្រមូលធូលី ដើម្បីធានាគុណភាព នៃល្បាយសម្រាប់ការក្រាលកៅស៊ូ កាត់បន្ថយការបំភាយធូលី និងការពារបរិស្ថានក្នុងតំបន់។
ផ្លូវល្បឿនលឿនភ្នំពេញ-ព្រះសីហនុត្រូវបានបង្កើតឡើងដោយផ្អែកលើមូលដ្ឋានប្រតិបត្តិការរវាងរដ្ឋាភិបាល និងឯកជន បន្ទាប់ពីបញ្ចប់ ផ្លូវនេះនឹងក្លាយជាផ្លូវល្បឿនលឿនដំបូងគេបង្អស់របស់ប្រទេសកម្ពុជា ដោយភ្ជាប់រាជធានីភ្នំពេញទៅខេត្តកំពង់ផែសមុទ្រធំជាងគេនៃខេត្តព្រះសីហនុ។ ការធ្វើដំណើរនឹងចំណាយពេលត្រឹមតែ ២ម៉ោងប៉ុណ្ណោះ បើប្រៀបធៀបនឹងនាពេលបច្ចុប្បន្នត្រូវចំណាយពេលរយៈពេល៥ម៉ោង៕
