ដោយៈគង់ សូរិយា
សៀមរាបៈ ក្រុមហ៊ុនកូរ៉េមួយគ្រោងជួយរៀបចំ ឧទ្យានធម្មជាតិបែបកូរ៉េ នឹងត្រូវសាងសង់នៅក្នុងតំបន់អង្គរ សៀមរាប ដែលជាការចំលងម៉ូត និងបច្ចេកវិទ្យាគ្រប់គ្រងព្រៃឈើតាមស្ដង់ដាកូរ៉េ មកកម្ពុជាដោយផ្ទាល់។
ក្រុមហ៊ុន Korea Forest Service បានបង្ហាញពីគម្រោងនេះនៅក្នុងកិច្ចប្រជុំលើកទី១ នៃគណកម្មការប្រតិបត្តិការរួមគ្នា កូរ៉េ-កម្ពុជា តាមអនឡាញ។
យោងតាម The Korea Bizwire ឧទ្យាននេះ នឹងត្រូវបានបង្កើតឡើងនៅទីតាំង ប្រមាណ៣០នាទីពីប្រាសាទអង្គរវត្ត ប៉ុន្តែមិនបានបញ្ជាក់ទីតាំងជាក់លាក់នៅឡើយទេ។
ក្រុមហ៊ុន Korea Forest Service នឹងនាំចូលបច្ចេកវិទ្យាគ្រប់គ្រង និងប្រតិបត្តិការព្រៃឈើ របស់ប្រទេសកូរ៉េខាងត្បូងមកកម្ពុជា ដើម្បីថែរក្សាបរិស្ថាន ក៏ដូចជា ធ្វើឱ្យសេដ្ឋកិច្ចក្នុងស្រុកមានភាពរស់រវើកឡើងវិញផងដែរ៕
