ដោយៈគង់ សូរិយា
មណ្ឌលគិរីៈ រដ្ឋបាលខេត្តមណ្ឌលគិរី សហការជាមួយក្រុមហ៊ុនរ៉ុករករ៉ែ Renaissance Minerals Cambodia គ្រោងររៀបចំតំបន់អណ្តូងរ៉ែមាសទៅជាកញ្ចប់ទេសចរណ៍ទៅថ្ងៃអនាគត។
លោកជាក់ ម៉េងហាង អភិបាលរងខេត្តមណ្ឌលគិរីបានមានប្រសាសន៍ឲ្យដឹងក្នុងកម្មវិធីវឌ្ឍនភាពមូលដ្ឋាន កាលពីថ្ងៃទី២៤ ខែកុម្ភៈកន្លងមកថា
ក្រុមហ៊ុននឹងរៀបចំតំបន់នោះ ជាទេសចរណ៍ ឱ្យដូចនៅក្រៅប្រទេស ដោយនឹងបង្កើតជាកញ្ចប់ទេសចរណ៍តែម្តង។
លោកបន្តថា “កញ្ចប់នេះអាចមានរយៈពេលពី៣ ទៅ៤យប់ ដោយកញ្ចប់ទី១ គឺការទស្សនារមណីយដ្ឋានធម្មជាតិនានា ក្នុងខេត្តមានដូចជាទឹកជ្រោះ ភ្នំជាដើម រីឯកញ្ចប់ទី២ គឺជាការទស្សនាដំណើរការ នៃការចម្រាញ់យករ៉ែមាស”៕
