ដោយ វុត្ថា
ភ្នំពេញ៖ គ្រប់ប្រទេសទាំងប្រទេសអស់នៅលើពិភពលោក តែងតែមានក្តីសុបិន្ត និងមហិច្ឆិតាកសាងអគារខ្ពស់កប់ពពកធំជាងគេ និងប្លែកជាងគេសម្រាប់ ទុកជាកេមរតកសម្រាប់ជាប្រវត្តិសាស្ត្រសម្រាប់មនុស្សជាតិ និងកូនចៅជំនាន់ក្រោយរបស់ពួកគេ។ ជាពិសេសនោះ គឺដើម្បីបង្ហាញពីមហិច្ឆិតាសេដ្ឋកិច្ចរបស់ខ្លួនទៅកាន់ពិភពលោក និងទាក់ទាញទេសចរណ៍ ព្រមទាំងវិនិយោគអោយហូរចូលមកកាន់ប្រទេសរបស់ខ្លួន អោយបានកាន់តែច្រើន។
សម្រាប់មហាយក្សចិនដែលមានសេដ្ឋកិច្ចរីកចម្រើនលំដាក់ទី២ ក៏មិនអស់ចិត្តក្នុងការសម្រេចក្តីសុបិន្តរបស់ខ្លួនឡើយ ក្នុងសាសងសង់អគារខ្ពស់កប់ពពក ជាអគារសោយក្ស (Kingkey100) ដែលជាអគារខ្ពស់កប់ពពកមួយក្នុងប្រទេសរបស់ខ្លួន ដើម្បីប្រកួតប្រជែងជាមួយ នឹងបណ្តាប្រទេសមួយចំនួននៅក្នុងពិភពលោក ដូចជាសហរដ្ឋអាមេរិក និងអារ៉ាប់រួមដែលមានអគារខ្ពស់កប់ពកច្រើន។
tfpfarrells.jpg)
អគារ Kingkey 100 ដែលជាទូទៅគេស្គាល់ថា KK 100 ឬ Kingkey Financial Center Plaza គឺជាអគារខ្ពស់កបពពកដ៏មានមោទនភាពរបស់មហាយក្សចិន ស្ថិតនៅក្នុងតំបន់ Shenhen Luohu ខេត្តGuangdong ប្រទេសចិន ។ អគារខ្ពស់កប់ពពកនេះ មានកម្ពស់ប្រមាណ៤៤១.៨ ម៉ែត្រ និង១០០ជាន់ និងជាអាគារខ្ពស់លំដាប់ទី៤ក្នុងប្រទេសចិន ។
វាជាមជ្ឈមណ្ឌលពាណិជ្ជកម្មខ្ពស់កប់ពពក ត្រូវបានគេសាងសង់ឡើងសម្រាប់ធ្វើជាការិយាល័យធ្វើការ សណ្ឋាគារ កន្លែងកំសាន្ត ផ្សារទំនើប និងភោជនីយដ្ឋានជាដើម។ មិនតែប៉ុណ្ណោះ នៅក្នុងអគារនេះមានផ្សារទំនើបដ៏ល្បីល្បាញ គឺ KK Mall ដែលបានបើកជូនសាធារណៈជនពីថ្ងៃទី២០ ខែវិច្ឆិកា ឆ្នាំ ២០១០ ដែលមានដាក់លក់ សម្ភារៈម៉ាក់ល្បីៗ ជាងនេះទៅទៀត ក៏បានដាក់បំរើរោងភាពយន្តIMAZ ដំបូងគេក្នុងប្រទេសចិនផងដែរ។
Kingkey100 បានជាប់ជាអគារខ្ពស់កប់ពពកលំដាប់ទី១៤ របស់ពិភពលោកត្រូវបានចរចនាប្លង់ដោយវិស្វករល្បីល្បាញជនជាតិអង់គ្លេស ។ មិនតែប៉ុណ្ណោះអគារខ្ពស់កប់ពពកនេះ បានទទួលពានរង្វាន់ Emporis Skyscraper Award ជាអគារខ្ពស់កប់ពពកលើពិភពលោ កាលពីឆ្នាំ2011។
អគារដែលទទួលបានពានរង្វាន់ Emporis Skyscraper Award នេះ បានចាប់ ផ្តើមសាងសង់ក្នុងឆ្នាំ២០០៧ ព្រមទាំងដំណើរការជាផ្លូវការក្នុងឆ្នាំ២០១១ ដែលចំណាយថវិការអស់ចំនួន៧៨៥លានដុល្លារ ក្នុងការសាសង់និងជាកម្មសិទ្ធរបស់ក្រុមហ៊ុន Kingkey Group ៕
