គម្រោងសាងសង់ផ្លូវជាតិលេខ 4 ល្បឿនលឿន នឹងចាប់ផ្តើមនៅឆ្នាំ 2018

លោកបន្តថា “ខេត្តព្រះសីហនុជាដង្ហើមសេដ្ឋកិច្ចរបស់ជាតិ ហេតុនេះការសាងសង់ផ្លូវនេះនឹងជួយលើកកម្ពស់សេដ្ឋកិច្ចជាតិ”។ លោក សូរិយា បានបន្តថា នៅពេលផ្លូវនេះសាងសង់ចប់ នឹងមិនមានចំណុចឆ្លងកាត់ច្រើននោះទេ ហើយ​ម៉ូតូតូចៗមិនអាចបើកបរបានឡើយ ពិសេសនឹងមានការបិទរបង ដែលមិនអាចឲ្យសត្វពាហនឆ្លងកាត់បានឡើយ” ។ លោកបន្តថា ផ្លូវនេះស្ថិតនៅភាគខាងជើងនៃផ្លូវជាតិលេខ 4 បច្ចុប្បន្ននេះ ប៉ុន្តែលោកមិនបានបញ្ជាក់ឲ្យដឹងលំអិតនោះទេ។

ពាក់ព័ន្ឋការដឹកជញ្ជូននៅកម្ពុជា មានតំលៃថ្លែជាងបណ្តាប្រទេសក្នុងតំបន់ លោក វ៉ា ស៊ីមសូរិយា បានថ្លែងថា វាមានកត្តាជាច្រើន ដែលធ្វើឲ្យតំលៃដឹកជញ្ជូន​នៅកម្ពុជាថ្លៃជាងប្រទេសជិតខាង ដូចជា ការវិនិយោគការនាំចូលទំនិញ តម្លៃ​ប្រេងថ្លៃ និងនិតិវិធីធ្វើការងារនៅកម្ពុជាមានលក្ខណៈស្មុគ្រស្មាញច្រើន។

លោកបណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិ​បានថ្លែងថា ការវិនិយោគលើហេដ្ឋារចនាសម្ពន្ឋជារឿងចាំបាច់ណាស់ ដើម្បីជំរុញ​កំណើនសេដ្ឋកិច្ចជាតិ ព្រោះប្រសិនជាចង់ឲ្យសេដ្ឋកិច្ចយើងរីកចម្រើនបន្ថែមទៀត យើងត្រូវបន្តវិនិយោគលើហេដ្ឋារចនាសម្ពន្ឋ ដែលរដ្ឋាភិបាលកម្ពុជាបាន និងកំពុងខិតខំប្រឹកប្រែង ប៉ុន្តែទាមទារឲ្យមានការបង្កើនល្បឿនវិនិយោគបន្ថែមទៀត។

លោកបន្តថា “ប្រសិនជាមិនវិនិយោគលើហេដ្ឋារចនាសម្ពន្ឋ សេដ្ឋកិច្ចរបស់​យើងនៅតែប៉ុណ្ណឹង ដូច្នេះ ដើម្បីសេដ្ឋកិច្ចយើងរីកចម្រើន និងឈានទៅដំណាក់កាលថ្មី ការវិនិយោគលើហេដ្ឋារចនាសម្ពន្ឋជារឿងមិនអាចខ្វះបាន” ៕