សា្ថប័នហិរញ្ញវត្ថុទម្លាក់ឥណទានជិត១៤ពាន់លានដុល្លារក្នុង វិស័យសំណង់

ដោយៈ គង់ សូរិយា

       ភ្នំពេញៈ របាយការណ៍របស់ធនាគារជាតិ នៃកម្ពុជាបានបង្ហាញថា វិស័យសំណង់ បានស្រូបយកឥណទាន ពីគ្រឹះស្ថានហិរញ្ញវត្ថុនានា មានទំហំរហូតដល់១៣,៧ពាន់លានដុល្លារអាមេរិក។

របាយការណ៍ដដែលបានបង្ហាញកាលពីពេលថ្មីៗនេះថា គិតត្រឹមចុងត្រីមាសទី១ នៃឆ្នាំ២០២២ ប្រាក់កម្ចីដែលផ្តល់ដោយគ្រឹះស្ថានធនាគារ និងហិរញ្ញវត្ថុទាំងអស់ដល់វិស័យឯកជន មានសរុបដល់ជាង ៥០ពាន់លានដុល្លារអាមេរិក ដែលកើនជាង២៤ភាគរយ បើធៀបនឹងឆ្នាំមុន។