ដោយៈ សុខុម
វ៉ាស៊ីនតោន: ក្រុមហ៊ុនពហុផលិតផល (Conglomerate) ខ្នាតយក្សរបស់កូរ៉េខាងត្បូង SK Group កាលពីថ្ងៃអង្គារ ទី២៦ ខែកក្កដា ថា បានប្រកាសបោះទុនវិនិយោគថ្មីយ៉ាងច្រើន សន្ធឹកសន្ធាប់នៅលើទឹកដីសហរដ្ឋអាមេរិក។
សេតវិមានបានលើកឡើងក្នុងថ្ងៃដដែលថា ការបោះទុនវិនិយោគថ្មីយ៉ាងច្រើនសន្ធឹកសន្ធាប់ ដោយក្រុមហ៊ុនកូរ៉េខាងត្បូង នេះជាឧទាហរណ៍មួយបង្ហាញកិច្ចខិតខំប្រឹងប្រែង ដ៏ជោគជ័យរបស់រដ្ឋការប្រធានាធិបតី ចូ បៃឌិន ដើម្បីបង្កើតខ្សែសង្វាក់ផ្គត់ផ្គង់ ដែលមានភាពធន់ទ្រាំ និងមានសុវត្ថិភាពជាងមុន។
សេតវិមានបានបញ្ជាក់ថា ក្រុមហ៊ុនពហុផលិតផល ដែលធំបំផុតទី២ របស់កូរ៉េខាងត្បូង មួយនេះបានប្រកាសបោះទុនវិនិយោគថ្មី រហូតដល់ទៅ២២ពាន់លានដុល្លារអាមេរិក លើសង្វាក់ផលិតកម្មនៅលើទឹកដីសហរដ្ឋអាមេរិក។
ប្រធានក្រុមហ៊ុន SK Group បានប្រកាសកាលពីឆ្នាំមុនថា ក្រុមហ៊ុនរបស់លោក គ្រោងនឹងបោះទុនវិនិយោគរហូត ដល់ទៅប្រមាណ៥២ពាន់លានដុល្លារ នៅលើទឹកដីសហរដ្ឋអាមេរិក រហូតដល់ឆ្នាំ២០៣០។
សេតវិមាននិយាយថា ប្រធានាធិបតីអាមេរិក លោក ចូ បៃឌិន បានជួបជាមួយប្រធានក្រុមហ៊ុន SK Group ក្នុងថ្ងៃដដែលដើម្បីពិភាក្សាអំពីការវិនិយោគរបស់ក្រុមហ៊ុននេះ លើសង្វាក់ផលិតកម្ម និងបង្កើតការងារនៅលើសហរដ្ឋអាមេរិក៕ Reuters៕
