ដោយ: លាងហួរ
ប៉េកាំង: ទិន្នន័យគយផ្លូវការបានបង្ហាញថា ការនាំចេញរបស់ចិនទៅកាន់ប្រទេសរុស្ស៊ី បានធ្លាក់ចុះរយៈពេល៤ខែ និងកើនឡើងវិញនៅក្នុងខែកក្កដា ខណៈដែលការនាំចេញរបស់រុស្ស៊ី ទៅកាន់ប្រទេសចិនក៏មានការកើនឡើងផងដែរ។
ការនាំចេញរបស់ចិនទៅកាន់ប្រទេសរុស្ស៊ី ដែលស្ថិតក្រោមការរងទណ្ឌកម្មបានកើនឡើង២២,២ភាគរយ នៅក្នុងខែកក្កដាធៀបនឹងឆ្នាំ២០២១ ប៉ុន្តែការទូទាត់ក្នុងលក្ខខណ្ឌប្រាក់ដុល្លារ មានការធ្លាក់ចុះ១៧ភាគរយ នៅក្នុងខែមិថុនា និងកត់សម្គាល់ឃើញមានកំណើនដំបូង ចាប់តាំងពីខែមីនា។ នេះបើយោងតាមការគណនារបស់សារពត៌មានReuters ដោយផ្អែកលើទិន្នន័យគយ ដែលបានចេញផ្សាយកាលពីថ្ងៃអាទិត្យម្សិលមិញនេះ។
