ដំណឹង​ល្អ តម្លៃប្រេង​ឥន្ធនៈ​ចុះថ្លៃ៣០០រៀល ​ចាប់ពីថ្ងៃទី១១ដល់ថ្ងៃទី២០ខែកញ្ញានេះ

0

ដោយ៖ សុផារី

ភ្នំពេញៈ ក្រសួងពាណិជ្ជកម្មបានប្រកាសថា ​ប្រេងសាំងធម្មតាលក់រាយមានតម្លៃ៤.៤០០រៀល និងប្រេងម៉ាស៊ូត​៥.២០០រៀល ក្នុង១លីត្រ ដែលចុះថ្លៃ៣០០រៀល ​ចាប់អនុវត្តពីថ្ងៃទី១១ ដល់ថ្ងៃទី២០ ខែកញ្ញា ឆ្នាំ២០២២នេះ។

បើយោងតាមសេចក្តីប្រកាសព័ត៌មាន របស់ក្រសួងពាណិជ្ជកម្មកម្ពុជា នៅថ្ងៃទី១២ ខែកញ្ញា ឆ្នាំ២០២២នេះ បានបញ្ជាក់ថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ ត្រូវលក់៤.៦៦៧រៀល ក្នុងមួយលីត្រ សម្រាប់ប្រេងសាំងធម្មតា EA92 និង៥.៤៦៧រៀល សម្រាប់ប្រេងម៉ាស៊ូត ក្នុងមួយលីត្រ។

ក្រសួងបានបញ្ជាក់បន្ថែមថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែក ពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ ក្នុងមួយលីត្រ៕

LEAVE A REPLY

Please enter your comment!
Please enter your name here