ដោយ: លាងហួរ
វ៉ាស៊ីនតោន: ប្រធានាធិបតី ចូបៃឌិន បានប្រកាសពីការអនុម័តលើការផ្តល់មូលនិធិចំនួន៩០០លានដុល្លារដំបូង ដើម្បីសាងសង់ស្ថានីយ៍សាក EV នៅក្នុងរដ្ឋចំនួន៣៥ដែលជាផ្នែកមួយ នៃហេដ្ឋារចនាសម្ព័ន្ធ ដែលគ្រោងចំណាយទឹកប្រាក់រហូតដល់១ពាន់ពាន់លានដុល្លារ ដែលត្រូវបានអនុម័តកាលពីខែវិច្ឆិកាឆ្នាំមុន។
ក្រុមហ៊ុនផលិតរថយន្តធំទាំងបី នៅក្រុង Detroit កំពុងបង្ហាញរថយន្ត EV ថ្មីៗជាច្រើននៅក្នុងពិព័រណ៍រថយន្ត។
សភាអាមេរិក និងលោកចូបៃដិន ដែលពណ៌នាខ្លួនឯងថា ជា”car guy”បានសន្យាផ្តល់ប្រាក់កម្ចី ការផលិត និងឥណទានពន្ធអ្នកប្រើប្រាស់ និងជំនួយរាប់សិបពាន់លានដុល្លារ ដើម្បីពន្លឿនការផ្លាស់ប្តូរឆ្ងាយពីរថយន្តចំហេះខាងក្នុង ទៅជារថយន្ត EV ដែលស្អាតជាងមុន។
រថយន្តថ្មីភាគច្រើន ដែលលក់ដោយក្រុមហ៊ុន Detroit Three នៅតែជាម៉ូដែលប្រើហ្គាស ហើយTesla ជាក្រុមហ៊ុនផលិតរថយន្តអគ្គិសនីរបស់សហរដ្ឋអាមេរិក និងលក់ដាច់ជាងក្រុមហ៊ុនផលិតរថយន្ត Detroit Three។
លោក Ali Zaidi ទីប្រឹក្សាអាកាសធាតុជាតិរបស់សេតវិមានបានប្រាប់សារពត៌មានReutersថា ក្រុមហ៊ុនផលិតរថយន្ត និងក្រុមហ៊ុនថ្មក្នុងឆ្នាំ 2022 បានប្រកាសថវិកា១៣ពាន់លានដុល្លារ ចូលទៅក្នុងការផលិត EV ខណៈដែលពួកគេបង្កើនល្បឿន នៃការវិនិយោគទៅក្នុងគម្រោង។
នៅខែសីហាឆ្នាំ២០២១ លោក ចូបៃឌិនបានកំណត់គោលដៅថា រថយន្ត EVs ឬរថយន្តកូនកាត់ plug-in តំណាងឱ្យ ៥០%នៃការលក់រថយន្តថ្មីរបស់សហរដ្ឋអាមេរិកនៅឆ្នាំ២០៣០៕
