ដោយ៖ សុផារី
ភ្នំពេញៈ ក្រសួងពាណិជ្ជកម្មបានប្រកាសថា ប្រេងសាំងធម្មតាលក់រាយមានតម្លៃ៤.៣៥០រៀល និងប្រេងម៉ាស៊ូត៤.៨៥០រៀល ក្នុង១លីត្រ ចាប់អនុវត្តពីថ្ងៃនេះ ដល់ចុងខែកញ្ញា ឆ្នាំ២០២២នេះ។
ដំណឹងល្អ តម្លៃប្រេងឥន្ធនៈនិងប្រេងម៉ាស៊ូតបន្តចុះថ្លៃចាប់ពីថ្ងៃនេះដល់ចុងខែកញ្ញានេះ
បើយោងតាមសេចក្តីប្រកាសព័ត៌មាន របស់ក្រសួងពាណិជ្ជកម្មកម្ពុជា នៅថ្ងៃទី១២ ខែកញ្ញា ឆ្នាំ២០២២នេះ បានបញ្ជាក់ថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ ត្រូវលក់៤.៦១៧រៀល ក្នុងមួយលីត្រ សម្រាប់ប្រេងសាំងធម្មតា EA92 និង៥.១១៧រៀល សម្រាប់ប្រេងម៉ាស៊ូត ក្នុងមួយលីត្រ។
ក្រសួងបានបញ្ជាក់បន្ថែមថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែក ពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ ក្នុងមួយលីត្រ៕
