សម្ដេចតេជោៈ នឿយកាយតែសប្បាយចិត្ត ព្រោះបានធ្វើការបម្រើជាតិ និងប្រជាជន

0

ដោយៈ សុផារី

ភ្នំពេញៈ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ការធ្វើដំណើរដ៏វែងឆ្ងាយ ដែលគ្មានពេលឈប់សម្រាក បានក្លាយជាទម្លាប់របស់សម្ដេច តាំងពីអាយុតិចរហូតអាយុច្រើន តែនឿយកាយតែសប្បាយចិត្ត ព្រោះសម្តេចតេជោបានធ្វើការបម្រើជាតិ និងប្រជាជន។

តាមរយៈសារបង្ហោះតាមបណ្តាញទំនាក់ទំនងសង្គម នាព្រឹកថ្ងៃទី៣០ ខែកញ្ញានេះ សម្ដេចតេជោ ហ៊ុន សែន បានសរសេរថា “ដំណើរដ៏វែងឆ្ងាយដែលគ្មានពេល ឈប់សម្រាកបានក្លាយជាទម្លាប់ តាំងពីអាយុតិចរហូតអាយុច្រើន”។

សម្ដេចតេជោនាយករដ្ឋមន្ត្រី បានសរសេរបន្តថា “ជាកិច្ចការដែលចាំបាច់ ដែលតម្រូវឲ្យធ្វើដោយខានមិនបាន។ ភ្នំពេញ ញូវយ៉ក ឡាហាវ៉ាន តូក្យូ ភ្នំពេញ សៀមរាប ប្រើរយៈពេល១០ថ្ងៃ ចម្ងាយរាប់ម៉ឺនគីឡូម៉ែត្រ ជាមួយការងារយ៉ាងច្រើន”។ សម្តេចបន្ថែមថា “នឿយកាយតែសប្បាយចិត្ត ព្រោះបានធ្វើការបម្រើជាតិ និងប្រជាជន”៕

LEAVE A REPLY

Please enter your comment!
Please enter your name here