ដោយ៖ សុផារី
ភ្នំពេញ៖ ក្រសួងពាណិជ្ជកម្មបានប្រកាសថា តម្លៃប្រេងសាំងធម្មតាត្រូវលក់ក្នុងមួយលីត្រ៤.៣៥០រៀល ដែលចុះថ្លៃចំនួន៥០រៀល ចំណែកប្រេងម៉ាស៊ូតលក់ក្នុងតម្លៃ៥.០០០រៀល ចុះថ្លៃចំនួន១០០រៀល សម្រាប់ការអនុវត្តតម្លៃចាប់ពីថ្ងៃនេះ ដល់ចុងខែវិច្ឆិកា។
យោងតាមសេចក្តីជូនដំណឹងរបស់ក្រសួងពាណិជ្ជកម្ម ចេញផ្សាយនៅថ្ងៃទី២១ ខែវិច្ឆិកានេះ បានឱ្យដឹងថា សម្រាប់ការអនុវត្តចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២នេះ តម្លៃប្រេងសាំងនៅក្នុងប្រទេសកម្ពុជានឹងត្រូវលក់នៅក្នុងតម្លៃ៤.៣៥០រៀល ចំណែកប្រេងម៉ាស៊ូតនឹងត្រូវលក់ក្នុងតម្លៃ៥.០០០រៀល ក្រោយឡើងថ្លៃកាលពីសប្តាហ៍កន្លងមក។
