លោកJason Himអ្នកជំនួញអចលនទ្រព្យលាក់មុខបន្តវិនិយោគដីឡូត៏ដោយសុទិដ្ឋិនិយម

0

ដោយៈ គង់ សូរិយា

       ភ្នំពេញៈ បោះបង់ចោលការងារ ដែលមានប្រាក់ខែខ្ទង់ពាន់ដុល្លារទៅហើយ ដើម្បីមកប្រឡូកក្នុងវិស័យជំនួញអចលនទ្រព្យ លោកJason Him ហៅ “លោក ដង្ខៅដី”បានបន្តជម្នះវិបត្តិសេដ្ឋកិច្ច ដោយបន្តវិនិយោគលើដីធ្លី ទទួលបានជោគជ័​យតាមផែនការរបស់ខ្លួនជាបន្តបន្ទាប់។

មានស្រុកកំណើតនៅក្នុងខេត្តកំពង់ស្ពឺ លោកJasonបានឈានជើងមកកាន់រាជធានីភ្នំពេញ អស់រយៈពេលជាង២០ឆ្នាំមកហើយ និងបានឆ្លងកាត់ការងារជាច្រើនរហូតទទួលបានជោគជ័យក្នុងការងារនិងប្រាក់ខែខ្ទង់ពាន់ដុល្លារទៅហើយ​ ប៉ុន្តែដោយ​សារក្តីស្រលាញ់លើវិស័យជំនួញដីធ្លី​និងមើលឃើញការរីកចម្រើនសេដ្ឋកិច្ច ពិសេសអចលនទ្រព្យ លោកបានចាប់ផ្តើមការងារជាអ្នកទិញលក់អចលនទ្រព្យផងធ្វើការងារជាមួយក្រុមហ៊ុនអន្តរជាតិផងដើម្បីអោយមានចំណេះដឹងលើវិស័យនេះកាន់តែស៊ីជំរៅលោកបានសិក្សាស្រាវជ្រាវនិងរាប់អានមិត្តភ័ក្រជាច្រើនក្នុងប្រទេសកម្ពុជាដែលភាគច្រើនជាជើងចាស់ជំនាញលើវិស័យអចលនទ្រព្យនេះតែម្តងរហូតដល់ខ្លួនទទួលបានបទពិសោធន៏គ្រប់គ្រាន់ និងមានជំនាញលក់យ៉ាងស្ទាត់ជំនាញព្រមទាំងចំណូលដែលបានមកពីការលក់និងវិនិយោគទទួលបានប្រាក់ចំណេញជាច្រើនផងនោះ ទើបលោក សំរេចចិត្តលាឈប់ពីការងារប្រាក់ខែខ្ទង់ពាន់មកធ្វើការវិនិយោគ១០០%ទាំងកំលាំងកាយចិត្តបេះដូង​លើគំរោងដីឡូត៍ដ៏ធំមួយនៅក្នុងស្រុកពញាឭ ខេត្តកណ្តាល ជាគំរោងទី១​របស់លោកផ្ទាល់ ដែលទទួលបានជោគជ័យមកទល់សព្វថ្ងៃនេះ។

គំរោងនេះត្រូវបានដាក់ឈ្មោះដីឡូត៍វិមានអចលនទ្រព្យដែលស្ថិតនៅជើងភ្នំឧដុង្គជាតំបន់កំពុងមានការរីកចម្រើនខ្លាំងនាពេលបច្ចុប្បន្ននេះដែលកាលលោកចាប់ផ្តើមដំបូងតំបន់នេះគ្មានការអភិវឌ្ឍន៏នៅទ្បើយ។

បទពិសោធន៍ ក្នុងវិស័យអចលនទ្រព្យរយៈពេលជាង១០ឆ្នាំ បានធ្វើ ឲ្យ​លោកJasonទទួលបានជោគជ័យ និងឆ្លងកាត់បទពិសោធន៍ជាច្រើន ដោ​យលោកបានពង្រីកគំរោងជាបន្តបន្ទាប់ទៀត គឺគំំរោងទី២ ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង ដោយដាក់ឈ្មោះ “ភូមិធម្មជាតិលោកសង្ខៅដី” ដែលគំរោងនេះ ក៏ទទួលបានការគាំទ្រពីអតិថិជនយ៉ាងច្រើនផងដែរ។

បន្ថែមពីលើទស្សនវិស័យរយៈពេលវែង គួបផ្សំនឹងចំណូលចិត្ត និងការពង្រីកឱកាសក្នុងទីផ្សារ លោកJason Him ហៅដង្ខៅដីបានពង្រីកគំរោង​វិនិយោគទី៣របស់ខ្លួន ស្ថិតនៅតំបន់អភិវឌ្ឍន៍វិស័យឧស្សាហកម្ម លើផ្លូវជាតិលេខ៤៤ស្ថិតនៅក្នុងតបន់សេដ្ឋកិច្ចក្រុងច្បារមន ខេត្តកំពង់ស្ពឺ ដែលជាគំរោងធំមួយ និងទទួលបានជោគជ័យក្នុងទីផ្សារផងដែរ។

ជាមួយទស្សនវិស័យ និងរៀបចំផែនការអភិវឌ្ឍន៍រយៈពេលវែង លោកJason Himបានមានប្រសាសន៍ថា “ទោះបីស្ថិតក្នុងវិបត្តិកូវីដ១៩ និងវិបត្តិ​សង្រ្គាមរុស្ស៊ី អ៊ុយក្រែនក្តី ប៉ុន្តែខ្ញុំនិងក្រុមការងារនៅតែជម្នះ នឹងឧបសគ្គរហូតទទួលបានជោគជ័យតាមផែនការ”។

ដោយផ្តោតលើផែនការចំពោះមុខ និងអភិវឌ្ឍន៍គំរោងរបស់លោកដោយនិរន្តរភាព និងការទទួលខុសត្រូវសង្គម លោកJason Himបាននិងកំពុងគិតគូរពីការអភិវឌ្ឍន៍រយៈពេលវែង ដោយលោកនឹងរៀបចំផែនការសា​ងសង់ផ្ទះតម្លៃមធ្យម និងក្រោមមធ្យមនៅដី ស្ថិតក្នុងស្រុកពញា­ឭ ខេត្តកណ្តាលព្រោះគំរោងដីនេះបានតបណ្តាញទឹកស្អាត និងខ្សែបណ្តាញអគ្គិសនីចូលរួចហើយ ផ្សារ​ សាលារៀន មន្ទីពេទ្យ រោងចក្រ បុរី និងជាទីប្រជំជនមនុស្សរស់នៅច្រើនកុះករ ។

ជាមួយគ្នានេះ គំរោងទី២ ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង និងគំរោងនៅលើផ្លូវជាតិលេខ៤៤ ស្ថិតក្នុងតំបន់សេដ្ឋកិច្ចពិសេស ខេត្តកំពង់ស្ពឺក៏បាននិងកំពុងរៀបចំទស្សនទាន អភិវឌ្ឍន៍រយៈពេលវែងផងដែរ។

លោកសង្ខៅដីបានមានប្រសាសន៍ឲ្យដឹងថា “សម្រាប់ទស្សនវិស័យ   ​រយៈពេលវែង ខ្ញុំចង់កសាងតំបន់ដីឡូត៍របស់ខ្ញូំ ជាសហគមន៍មួយមានភាព​រសរវើក ជាសហគមន៍មួយអ៊ូរអរ ដែលមានមនុស្សរស់នៅច្រើន និងអាចប្រកបអាជីវកម្មបាន”។ លោកបន្តថា ចំពោះការចេញប្លង់វិញ ក្រុមហ៊ុនរបស់លោក ចេញជូនអតិថិជនទាន់ពេលវេលា​ស្ទើតែ​១០០% ដែលធ្វើអោយក្រុមការងារលក់ ភ្នាក់ងារលក់ អតិថិជនទុកចិត្តនិងគាំទ្រជាខ្លាំង​។

លោកបន្តថា “គំនិតរបស់ខ្ញុំ ចង់ធ្វើតំបន់អភិវឌ្ឍន៍​របស់យើងក្លាយជាទីប្រជុំជនមួយ ព្រោះយើងលក់ដីរួច មិនដើរចោលអតិថិជននោះទេ គឺយើងរៀបចំផែនការអភិវឌ្ឍន៍នៅនឹងកន្លែងគ្រាន់តែយើងដើរតាមផែនការ Step By Step ” ៕

    

 

 

 

LEAVE A REPLY

Please enter your comment!
Please enter your name here