ដោយៈ សុខុម
បាងកក:ទោះបីស្ថានភាពទីផ្សារអចលនទ្រព្យ ទទួលរងផលប៉ះពាល់ខ្លាំងដោយសារវិបត្តិកូវីដ-១៩យ៉ាងណាក្ដី ក៏បាងកកនៅតែរក្សាបានតំណែងជាទីផ្សារខុនដូលេខ១ សម្រាប់ជនបរទេសដែលទិញខុនដូ នៅក្នុងប្រទេសថៃ។ នេះបើយោងតាមទីភ្នាក់ងារអចលនទ្រព្យអង់គ្លេស ប្រចាំប្រទេសថៃ Knight Frank Thailand។
លោក Nattha Kahapana នាកយកគ្រប់គ្រងក្រុមហ៊ុន Knight Frank Thailand លើកឡើងថា វិបត្តិកូវីដ-១៩ មិនបានធ្វើឱ្យក្រុងបាងកក ជ្រុះ ពីតំណែងទីផ្សារខុនដូលេខ១ សម្រាប់ជនបរទេសនោះឡើយ ប៉ុន្តែឈាងម៉ៃ បានធ្លាក់ចំណាត់ថ្នាក់។
ខាងក្រោមនេះជាទីក្រុងធំៗ និងតំបន់ពេញនិយមក្នុងទីផ្សារកំពូលទាំង១០ សម្រាប់អ្នកទិញខុនដូជាជនបរទេស នៅក្នុងប្រទេសថៃ។
១. បាងកក
២. ឈុនប៊ូរី
៣. ឈៀងម៉ៃ
៤. ភូកេត
៥. សាមុត ប្រាកាន
៦. ប្រាជួប គីរី ខាន់
៧. ណុនថាប៊ូរី
៨. រ៉ាក់យ៉ង
៩. ប៉ាធុំថានី
១០. ឈាងរ៉ៃ
ទោះជាយ៉ាងណា លោក Nattha Kahapana លើកឡើងថា ខេត្តភូកេត និងខេត្តសាមុត ប្រាកាន នៅពេលនេះបានឈានមុខខេត្តឈាងម៉ៃ ជាប់ចំណាត់ថ្នាក់លេខ៣ និងលេខ៤។
យោងតាមទិន្នន័យរបស់ Knight Frank បង្ហាញថា ខុនដូសរុបចំនួន៤៨.៧៤៣យូនីតនៅទូទាំងប្រទេសថៃ ត្រូវបានលក់ចេញឱ្យទៅជនបរទេសចន្លោះពីឆ្នាំ២០១៨ ដល់ខែកញ្ញា ឆ្នាំ២០២២ ហើយខាងក្រោមនេះជាការតួលេខលម្អិត៖
២០១៨: ១៣.៥៦៨យូនីត ដែលមានតម្លៃសរុប ១៦,៣លានដុល្លារអាមេរិក។
២០១៩: ១២.៧៩៨យូនីត មានតម្លៃសរុប១៤,២លានដុល្លារអាមេរិក។
២០២០: ៨.២៩០យូនីត ដែលមានតម្លៃសរុប៦លានដុល្លារអាមេរិក។
២០២១: ៨.១៩៩យូនីត ដែលមានតម្លៃសរុប១២,៨លានដុល្លារអាមេរិក។
២០២២: ៥.៨៨៨យូនីត ដែលមានតម្លៃសរុប៧,៧លានដុល្លារអាមេរិក៕ The Nation៕
