លោកច្រឹក សុខនីមបង្ហើ​បពីដីក្នុងខ័ណ្ឌមួយចំនួនដែលមានសក្តា នុពលខ្ពស់សម្រាប់ការវិនិយោគ

ដោយៈគង់ សូរិយា

ភ្នំពេញៈ អគ្គនាយកក្រុមហ៊ុនCentury21 Mekong និងជាអតីត​ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកច្រឹក សុខនីម បានបង្ហើបពីទីតាំងដីនៅតាមបណ្តាខេត្តមួយចំនួន នៅតែមានសក្តានុពល​ក្នុងការស្វែងរកផលចំណេញខ្ពស់។

លោកបានមានប្រសាសន៍ឲ្យដឹងកាលពីពេលថ្មីៗ​នេះថា ការវិនិ​យោគដីធ្លីនៅកម្ពុជា នៅតែមានឱកាសរកផលចំណេញបាន បើទោះ​ជាស្ថានភាពសេដ្ឋកិច្ចរាងលំបាកបន្តិចក្តី ក៏តម្លៃដីធ្លី​នៅតំបន់មួយ​ចំនួនមិនធ្លាក់ចុះនោះទេ ដោយតម្រូវការនៅតែមាន គ្រាន់តែសកម្ម​ភាពទិញលក់យឺតជាងមុន។