ក្រសួងការបរទេសចិន៖ ភាគីចិនសម្រេចសាកល្បងអនុវត្តគោលនយោបាយលើកលែងទិដ្ឋាការដោយឯកតោភាគីចំពោះប្រទេសចំនួន៦ដូចជាបារាំង អាល្លឺម៉ង់ជាដើម
លោកស្រីMaoNing អ្នកនាំពាក្យក្រសួងការបរទេសចិនបានប្រកាសនាពេលថ្មីៗកន្លងទៅនេះថា ដើម្បីផ្តល់ភាពងាយស្រួលចំពោះការផ្លាស់ប្តូររវាងប្រជាជនចិននិងជនបរទេស និងដើម្បីបម្រើការអភិវឌ្ឍប្រកបដោយគុណភាពខ្ពស់និងការបើកទូលាយដោយកម្រិតខ្ពស់ ភាគីចិនបានសម្រេចចិត្តសាកល្បងពង្រីកក្របខ័ណ្ឌចំនួនប្រទេសដែលត្រូវលើកលែងទិដ្ឋាការដោយឯកតោភាគី ពោលគឺនឹងសាកល្បងអនុវត្តគោលនយោបាយលើកលែងទិដ្ឋាការដោយឯកតោភាគីចំពោះអ្នកដំណើរដែលកាន់លិខិតឆ្លងដែនធម្មតារបស់ប្រទេសចំនួន ៦ រួមមាន បារាំង អាល្លឺម៉ង់ អ៊ីតាលី ហូឡង់ អេស្ប៉ាញ និងម៉ាឡេស៊ី។
ក្នុងអំឡុងពេលពីថ្ងៃទី ១ ខែធ្នូ ឆ្នាំ២០២៣ ដល់ថ្ងៃទី ៣០ ខែវិច្ឆិកា ឆ្នាំ២០២៤ បើអ្នកដំណើរដែលកាន់លិខិតឆ្លងដែនធម្មតារបស់ប្រទេសខាងលើចូលប្រទេសចិនធ្វើពាណិជ្ជកម្ម ធ្វើទេសចរណ៍ ជួបជុំញាតិមិត្ត និងឆ្លងកាត់ហើយមានរយៈពេលមិនលើសពី១៥ថ្ងៃ គឺអាចចូលដែនចិនបានដោយមិនបាច់សុំទិដ្ឋាការ៕
