ដោយៈ គង់ ហ្វីអួណា
ភ្នំពេញៈ អនុប្រធានសភាពាណិជ្ជកម្មកម្ពុជា លោកបណ្ឌិត តាន់ មុនីវណ្ណ តំណាងដ៏ខ្ពង់ខ្ពស់អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានដឹកនាំប្រតិភូអញ្ជើញទស្សនកិច្ច និងសហការរៀបចំកិច្ចប្រជុំធុរកិច្ច និងវិនិយោគកម្ពុជា-អារ៉ាប់រួម។
គណៈប្រតិភូសភាពាណិជ្ជកម្ម និងធ្វើទស្សនកិច្ចចាប់តាំងពីថ្ងៃទី ២៥-២៩ ខែកុម្ភៈ ឆ្នាំ២០២៤ នៅទីក្រុងដូបៃ និងទីក្រុងអាប៊ុយដាប៊ី។
គោលបំណងនៃដំណើរទស្សនកិច្ច ធ្វើឡើងដើម្បីរឹតចំណងមិត្តភាពរវាង កម្ពុជា និងអេមីរ៉ាតអារ៉ាប់ ក៏ដូចជា ដើម្បីផ្សព្វផ្សាយពីវិស័យឯកជនរបស់កម្ពុជា ទៅកាន់វិស័យឯកជននៅអេមីរ៉ាតអារ៉ាបរួមផងដែរ។ គណៈប្រតិភូដែលបានអញ្ជើញ ចូលរួមកិច្ចដំណើរនេះគឺមកពី វិស័យកសិកម្ម វិស័យឧស្សាហកម្ម និងកម្មន្តសាល វិស័យហិរញ្ញវត្ថុ និងធនាគារ វិស័យអចលនទ្រព្យ និងវិស័យទេសចរណ៍។
ជាមួយគ្នានេះផងដែរ លោកបណ្ឌិតអនុប្រធាន នឹងឡើងថ្លែងសន្ទរកថា រួមទាំង សមាជិក សមាជិកា សភាពាណិជ្ជកម្មកម្ពុជា និងធ្វើឡើងធ្វើបទបង្ហាញ លើវិស័យដែលបានជម្រាបខាងលើ៕
