Hattha top Banner

ជប៉ុនគ្រោងសាងសង់អគារខ្ពស់កប់ពពកតម្លៃជិត៦ពាន់លានដុល្លារនៅលើទីតាំងផ្សារត្រីមួយកន្លែង

0

ដោយ: គង់ លាងហួរ

អន្តរជាតិ: ទីតាំងផ្សារត្រី Tsukiji ដ៏ល្បីល្បាញនៅក្នុងទីក្រុងតូក្យូ ប្រទេសជប៉ុន ត្រូវបានគេទុកឱ្យនៅទំនេរចោលទទេរ បន្ទាប់ពីផ្សារនេះត្រូវបានរុះរើចោលកាលពី៦ឆ្នាំមុន។

ទីតាំងនេះនឹងត្រូវបានអភិវឌ្ឍន៍ទៅជាពហុកីឡដ្ឋានប្របមាត់ទឹកដ៏ស្រស់ស្អាត និងអគារខ្ពស់ៗកប់ពពក ដែលជះពន្លឺចែងចាំងទៅលើផ្ទៃទឹក។ ប៉ុន្តែ គម្រោងតម្លៃរាប់ពាន់លានដុល្លារមួយនេះ កំពុងប្រឈមនឹងការជំទាស់យ៉ាងខ្លាំងពីសំណាក់ប្រជាជនដែលរស់នៅតំបន់នោះ។

គំនិតផ្តួចផ្តើមនេះត្រូវបានប្រកាសឡើងដោយក្រុមហ៊ុនអភិវឌ្ឍន៍អចលនទ្រព្យខ្នាតយក្សរបស់ជប៉ុន ឈ្មោះ “Mitsui Fudosan”។ គម្រោងនេះគ្រោងនឹងចំណាយទុនវិនិយោគអស់៩០០ពាន់លានយ៉េន(ប្រហែល៥,៧ពាន់លានដុល្លារអាមេរិក)។

បើយោងតាមគម្រោងនេះ អគារខ្ពស់កប់ពពកមួយនឹងត្រូវបានសាងសង់ឡើងទៅលើមេឃ និងលាតសន្ធឹងលើទីតាំង ដែលពីមុនធ្លាប់ជាទីផ្សារដ៏ល្បីល្បាញ ដោយសារការដាក់ដេញថ្លៃត្រីធូណា និងការលក់អាហារស៊ូស៊ីស្រស់ៗនៅក្នុងហាងនានានៅតំបន់ក្បែរនោះ។

ក្រុមហ៊ុនអចលនទ្រព្យ Mitsui Fudosan បានអះអាងថា គម្រោងអភិវឌ្ឍន៍ថ្មីនេះនឹងអាចប្រកួតប្រជែងជាមួយទីតាំងកំសាន្តប្របតាមមាត់ទឹកដ៏ល្បីល្បាញ ដូចជានៅទីក្រុងស៊ីដនី និងនៅទីក្រុងសិង្ហបុរីជាដើម។

ផែនការ​សាងសង់នៅក្នុងគម្រោងអភិវឌ្ឍន៍ខ្នាតយក្សនេះ រួម​មាន​ដូចជា អគារ​ការិយាល័យ ឆាករៀបចំ​ព្រឹត្តិការណ៍ធំៗ សួន​បៃតង តំបន់​លំនៅដ្ឋានសណ្ឋាគារ និង​មជ្ឈមណ្ឌល​ស្រាវជ្រាវ​ជីវបច្ចេកវិទ្យា ព្រមទាំងមានផ្សារទំនើបជាច្រើន និងហាងអាហារល្បីៗ។

ក្រុមហ៊ុនបានគូសបញ្ជាក់បន្ថែមថា “រមណីយដ្ឋានខាងលើ​នឹងជួយ​ទាក់ទាញ​មនុស្ស​ជាច្រើន​នៅក្នុងប្រទេស​ជប៉ុន​ និង​ភ្ញៀវទេសចរណ៍បរទេស”។ យ៉ាងណាមិញ ប្រជាជនដែលរស់នៅ​ទីក្រុង​តូក្យូ​ បាន​ជំទាស់នឹងគម្រោងនេះ ដោយ​ពួកគេស្នើឱ្យបង្កើតសួន​ច្បារជំនួសវិញ៕

ប្រភព:AP News៕

LEAVE A REPLY

Please enter your comment!
Please enter your name here