ដោយ: គង់ លាងហួរ
អន្តរជាតិ: នៅត្រីមាសទី២ ឆ្នាំ២០២៤ តម្លៃការិយាល័យនៅទីក្រុងប៉េកាំង ទីក្រុងសៀងហៃ ទីក្រុងហុងកុង និងទីក្រុងក្វាងចូវ របស់ប្រទេសចិន បានធ្លាក់ចុះខ្លាំងជាងគេបំផុតក្នុងចំណោមបណ្តាទីក្រុងចំនួន២៣ ទូទាំងតំបន់អាស៊ីប៉ាស៊ីហ្វិក។ នេះបើយោងតាមទិន្នន័យ ពីក្រុមហ៊ុនប្រឹក្សាអចលនទ្រព្យ Knight Frank ។
ខាងក្រោមនេះជាតម្លៃការិយាល័យ នៅទីក្រុងចំនួន៥ នៅក្នុងប្រទេសចិន គិតត្រឹមដំណាច់ត្រីមាសទី២ ឆ្នាំ២០២៤៖
ទី១: ទីក្រុងប៉េកាំង
តម្លៃជួលការិយាល័យលំដាប់ Prime នៅរដ្ឋធានីប៉េកាំង បានធ្លាក់ចុះ១១,១ភាគរយ នៅត្រីមាសទី២ បើធៀបនឹងរយៈពេលដូចគ្នាកាលពីឆ្នាំមុន ដល់២៨១យ័ន(ប្រហែល៣៨,៦៧ដុល្លារ) ក្នុងម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់១៨ភាគរយ។
ទី២: ទីក្រុងសៀងហៃ
តម្លៃជួលការិយាល័យលំដាប់ Prime នៅទីក្រុងសៀងហៃ បានធ្លាក់ចុះ៩,៩ភាគរយ នៅត្រីមាសទី២ បើធៀបនឹងរយៈពេលដូចគ្នាកាលពីឆ្នាំមុន ដល់២២៨យ័ន(ប្រហែល៣១,៣៨ដុល្លារ) ក្នុងម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោល គ្មានអ្នកជួលបានស្ថិតក្នុងរង្វង់២០,៨ភាគរយ។
ទី៣: ទីក្រុងក្វាងចូវ
តម្លៃជួលការិយាល័យលំដាប់ Prime នៅទីក្រុងមួយនេះ បានធ្លាក់ចុះ៨,៨ភាគរយ នៅត្រីមាសទី២ បើធៀបនឹងរយៈពេលដូចគ្នាកាលពីឆ្នាំមុន ដល់១៣៥យ័ន(ប្រហែល១៨,៥៨ដុល្លារ)ក្នុងម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោល គ្មានអ្នកជួលបានស្ថិតក្នុងរង្វង់១២ភាគរយ។
ទី៤: ទីក្រុងស៊ិនជិន
តម្លៃជួលការិយាល័យលំដាប់ Prime នៅទីក្រុងនេះ បានធ្លាក់ចុះ៧,៨ភាគរយ នៅត្រីមាសទី២ បើធៀបនឹងរយៈពេលដូចគ្នាកាលពីឆ្នាំមុន ដល់១៦៦យ័ន(ប្រហែល២២,៨៤ដុល្លារ)ក្នុងម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោល គ្មានអ្នកជួលបានស្ថិតក្នុងរង្វង់២៥,៨ភាគរយ។
ទី៥: ទីក្រុងហុងកុង
តម្លៃជួលការិយាល័យលំដាប់ Prime នៅទីក្រុងហុងកុង បានធ្លាក់ចុះ៨,៨ភាគរយ នៅត្រីមាសទី២ បើធៀបនឹងរយៈពេលដូចគ្នាកាលពីឆ្នាំមុន ដល់ប្រហែល១២៨,២០ដុល្លារក្នុងម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់១២ភាគរយ៕ប្រភព: Knight Frank៕
