ដោយ: គង់ លាងហួរ
អន្តរជាតិ: នៅក្នុងត្រីមាសទី៣ ឆ្នាំ២០២៤នេះ តម្លៃជួលការិយាល័យលំដាប់ Prime នៅតាមទីក្រុងនានាក្នុងតំបន់អាសុីបានជួបប្រទះការប្រែប្រួលខុសៗគ្នា អាស្រ័យលើបរិបទនៃទីក្រុងទាំងនោះ។នេះបើយោងតាមទិន្នន័យពីក្រុមហ៊ុនប្រឹក្សាអចលនទ្រព្យ Knight Frank។
ខាងក្រោមនេះជាតម្លៃជួលការិយាល័យជាមធ្យមនៅទីក្រុងខ្នាតធំទាំង៤ នៅតំបន់អាសុី គិតត្រឹមដំណាច់ត្រីមាសទី៣ ឆ្នាំ២០២៤៖
ទី១: ទីក្រុងតៃបុិ កោះតៃវ៉ាន់
តម្លៃជួលការិយាល័យលំដាប់ Prime នៅទីក្រុងតៃបុិ បានកើនឡើង១,៤ភាគរយនៅត្រីមាសទី៣ បើធៀបនឹងរយៈពេលដូចគ្នាកាលពីឆ្នាំមុន ដល់៣.២៩៦ដុល្លារតៃវ៉ាន់(ប្រហែល១០៣,៣៥ដុល្លារអាមេរិក) ក្នុងមួយ Ping ក្នុងមួយខែ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់៦,៦ភាគរយ។(មួយ Ping ដែលជាខ្នាតផ្ទៃក្រឡារបស់កោះតៃវ៉ាន់មានទំហំស្មើនឹង៣,៣០៥ម៉ែត្រការ៉េ)
ទី២: ទីក្រុងតូក្យូ ប្រទេសជប៉ុន
តម្លៃជួលការិយាល័យលំដាប់ Prime នៅទីក្រុងមួយនេះ បានកើនឡើង២,៥ភាគរយ នៅត្រីមាសទី៣ បើធៀបនឹងរយៈពេលដូចគ្នាកាលពីឆ្នាំមុន ដល់២៨.៦៨១យ៉េន(ប្រហែល១៨៨,៤ដុល្លារ) ក្នុងមួយ Tsubo ក្នុងមួយខែ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់៤,៤ភាគរយ។(មួយ Tsubo=៣,៣០ម៉ែត្រការ៉េ)។
ទី៣: ទីក្រុងសេអ៊ូល ប្រទេសកូរ៉េខាងត្បូង
តម្លៃជួលការិយាល័យលំដាប់ Prime នៅរដ្ឋធានីសេអ៊ូល បានកើនឡើង២,៣ភាគរយ នៅត្រីមាសទី៣ បើធៀបនឹងរយៈពេលដូចគ្នាកាលពីឆ្នាំមុនដល់៤០.៤៧៨វ៉ុន(ប្រហែល២៩,៥ដុល្លារអាមេរិក) ក្នុងមួយម៉ែត្រការ៉េក្នុងមួយខែ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់១,៥ភាគរយ។
ទី៤: ទីក្រុងសុីដនី ប្រទេសអូស្ត្រាលី
តម្លៃជួលការិយាល័យលំដាប់ Prime នៅទីក្រុងសុីដនី បានកើនឡើង២ភាគរយ នៅត្រីមាសទី៣ ឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុនដល់១.៣២០ដុល្លារអូស្ត្រាលី(ប្រហែល៨៧០,២ដុល្លារអាមេរិក) ក្នុងម៉ែត្រការ៉េក្នុងមួយឆ្នាំ ខណៈអត្រាការិយាល័យលំដាប់ Prime ដែលគេទុកចោលគ្មានអ្នកជួល បានស្ថិតក្នុងរង្វង់១១,៩ភាគរយ៕ប្រភព: Knight Frank៕
