ដោយៈ សហសេវិក
ញូដេលីៈ កាសែតឥណ្ឌា The Sunday Guardian ចុះផ្សាយអត្ថបទមួយដោយទម្លាយថា រដ្ឋបាលបៃឌិនរបស់សហរដ្ឋអាមេរិក នៅពីក្រោយគម្រោងការណ៍ បង្កើតបដិវត្តន៍ពណ៌នៅកម្ពុជា។
កាសែតមួយនេះទម្លាយទៀតថា គម្រោងផែនការធ្វើរដ្ឋប្រហារនៅកម្ពុជា បានកើតឡើងតាមរយៈមូលនិធិ របស់លោក George Soros និងអង្គការOpen Society Foundations(OSF) ផ្អែកលើភស្តុតាងឯកសារបែកធ្លាយ ដែលពួកគេទទួលបាន។
និពន្ធនាយកនៃកាសែតមួយនេះ បានទាញសេចក្តីសន្និដ្ឋាន ដោយយោងតាមខ្លឹមសារផ្ញើសារតាម email របស់សកម្មជននៃអតីតគណបក្សប្រឆាំង សកម្មភាពនៃបណ្តាអង្គការសង្គមស៊ីវិល ដែលមានទំនាក់ទំនងនឹងមន្ត្រី របស់បៃឌិននៅតំបន់អាស៊ីប៉ាស៊ីហ្វិក និងសកម្មភាព ដោយប្រយោលនានាទៀតនៃមូលនិធិរបស់លោក George Soros និងអង្គការ Open Society Foundation(OSF) នៅក្នុងការផ្តល់ថវិការក្រោមរូបភាពគម្រោងនានា ជាពិសេសគម្រោងស្តារលទ្ធិប្រជាធិបតេយ្យ នៅអាស៊ី ជាពិសេសបានទាញឧទារហរណ៍ នៃគម្រោងចលនាបះបោរដ៏ជោគជ័យ នៅប្រទេសបង់ក្លាដេសនាពេលថ្មីៗនេះ៕
