ដោយៈ គង់ សូរិយា
ព្រះសីហនុៈ បន្ទាប់ពីការប្រកាសដាក់ចេញកម្មវិធីជម្រុញការវិនិយោគ នៅខេត្តព្រះសីហនុ ដោយសម្តេចធិបតីហ៊ុន ម៉ាណែនាយករដ្ឋមន្រ្តីនៃកម្ពុជា ជាលទ្ធផលក្រុមការងារ ជំរុញការវិនិយោគក្នុងខេត្តព្រះសីហនុ ទទួលបានសំណើសុំលើកទឹក ចិត្តចំនួន២៤២គម្រោង។
ខេត្តព្រះសីហនុបានទទួលសំណើរលើកទឹកចិត្តវិនិយោគចំនួន២៤២គំរោងជាមួយទុនប្រមាណ៦០០០ពាន់លានដុល្លារ
ព័ត៌មាននេះ ត្រូវបានលើកឡើងដោយលោកម៉ាង ស៊ីណេតអភិបាលនៃគណៈអភិបាលខេត្តព្រះសីហនុ ក្នុងពិធីចុះហត្ថលេខាមួយដែលក្រុមហ៊ុនPrice Real Estate Group បានសហការជាមួយក្រុមហ៊ុនសណ្ឋាគារប្រណីតមួយ មកកាន់ទីក្រុងជាប់តំបន់ឆ្នេរមួយនេះ កាលពីថ្ងៃទី១០ ធ្នូកន្លងមកនេះ។
លោកម៉ាង ស៊ីណេតបានបន្តថា ក្នុងចំណោមគម្រោងទាំងនោះ គំរោងដែលទទួលបាន “លិខិតអនុញ្ញាតជាគោលការណ៍” ចំនួន២១៥គម្រោង មានទុនវិនិយោគសរុបប្រមាណ ៦ពាន់លានដុល្លារ (៦.០២៦.១០១.២០០ដុល្លារ)។ ដោយឡែកនៅសល់២៤គម្រោងទៀត គឺស្ថិតនៅក្នុងការពិនិត្យ និងវាយតម្លៃ។
លោកបន្តថា ជាមួយគ្នានេះអនុគណៈកម្មាធិការ វិនិយោគខេត្តបានចុះបញ្ជីគម្រោងវិនិយោគ មានលក្ខណៈសម្បត្តិគ្រប់គ្រាន់បានចំនួន១០គម្រោង មានទុនវិនិយោគសរុបប្រមាណ១៤លានដុល្លារអាមេរិក៕
