ដោយៈ គង់ ម៉ាណា
ប្រទេសអ៊ីរ៉ង់ៈ ស្ថាបត្យករបានបង្ហាញនូវទម្រង់ស្ថាបត្យកម្ម ដ៏គួរឲ្យចាប់អារម្មណ៍បំផុតមួយ ក្នុងការរចនាដែលមានបង្កប់ដោយភាពចម្រុះ នៃសហសម័យ។
គំរោងនោះ គឺអគារShoupé គឺជាអគារខ្ពស់ដែលប្រើប្រាស់ចម្រុះប្រកបដោយគ្រប់ចក្ខុវិស័យ។
ប្រទេសអ៊ីរ៉ង់បង្ហាញប្លង់ស្ថាបត្យកម្មអាគារសហសម័យ ដ៏គួរឲ្យស្ញប់ស្ញែង
គម្រោងសាងសង់ដោយក្រុមហ៊ុន KanLan សម្រាប់ឆ្នេរសមុទ្រ Babolsar នៅ Mazandaran ប្រទេសអ៊ីរ៉ង់ មានគម្រោងប្លង់18 ជាន់ មានក្រឡាផ្ទៃសរុប22,000 ម៉ែត្រការ៉េ។
គម្រោងបានរចនាឡើងតាមអ័ក្សមេបញ្ឈរ ទ្រដោយសសរដ៏រឹងម៉ាំកណ្តាលតែមួយ។ គម្រោងប្លង់សម្រាប់ជាបន្ទប់អាផាតម៉ិន ស្នាក់នៅ ផ្សារទេសចរណ៏ និងសេវាទេសចរណ៏ជាច្រើនប្រភេទ។
ទោះបីជាមិនទាន់សាងសង់ក៏ដោយ គម្រោងនេះត្រូវបានទទួលស្គាល់ជាមួយនឹងពានរង្វាន់ មហោស្រពស្ថាបត្យកម្មពិភពលោកឆ្នាំ 2024 នៅប្រទេសអង់គ្លេស ជាគម្រោងស្ថាបត្យកម្ម ដែលបង្កើតឡើងដោយគំនិតឆ្នៃប្រឌិតខ្ពស់៕
