ដោយ: គង់ លាងហួរ
អន្តរជាតិ: យោងតាមរបាយការណ៍មួយបានបង្ហាញថា ចំនួនជិត៤០ភាគរយនៃអាផាតមុិនសម្រាប់លក់បន្ត(Resale)នៅទីក្រុងហាណូយ ប្រទេសវៀតណាមនាពេលបច្ចុប្បន្ននេះមានតម្លៃចាប់ពី៥ពាន់លានដុងក្នុងមួយយូនីត (ប្រហែល២០មុឺនដុល្លារ)។
ការសិក្សាថ្មីរបស់វិទ្យាស្ថានសេដ្ឋកិច្ចសំណង់(Institute of Construction Economics)បានរកឃើញថា ការហក់ឡើងថ្លៃយ៉ាងឆាប់រហ័សនេះបានធ្វើឱ្យគ្រួសារភាគច្រើនខ្វះលទ្ធភាពទិញ ជាពិសេសគ្រួសារមានប្រាក់ចំណូលទាប។
ការកើនឡើងនៃតម្លៃអាផាតមុិនសម្រាប់លក់បន្ត បណ្តាលមកពីអាផាតមុិន ដែលទើបនឹងបើកលក់ថ្មីៗភាគច្រើនមានតម្លៃយ៉ាងតិច៥០លានដុងក្នុងមួយម៉ែត្រការ៉េ។ ជាក់ស្ដែង យូនីតអាផាតមុិនទំហំ៦៥ម៉ែត្រការ៉េដែលមានបន្ទប់គេងចំនួន២ មានតម្លៃចំនួន៣,២៥ពាន់លានដុង។
-->
ស្រដៀងគ្នានេះ ចំនួនប្រមាណ៣៧ភាគរយនៃចំនួនយូនីតអាផាតមុិនសរុបសម្រាប់លក់បន្តនៅក្នុងទីក្រុងហូជីមិញមានតម្លៃចាប់ពី៥ពាន់លានដុងក្នុងមួយយូនីត។
លោក David Jackson នាយកប្រតិបត្តិនៃក្រុមហ៊ុនប្រឹក្សាអចលនទ្រព្យ Avison Young Vietnam បានកត់សម្គាល់ថា បច្ចុប្បន្ន អាផាតមុិននៅទីក្រុងហូជីមិញមានតម្លៃចន្លោះពី៧៥លានដុងទៅ១២០លានដុងក្នុងមួយម៉ែត្រការ៉េ។
លោកបានបន្ថែមថា “អាផាតមុិននៅទីក្រុងហូជីមិញដែលមានតម្លៃសមរម្យក្រោម៤០លានដុងក្នុងមួយម៉ែត្រការ៉េស្ទើរតែលែងមាននៅលើទីផ្សារ ខណៈគម្រោងអាផាតមុិនដែលមានតម្លៃចន្លោះពី៥០លានដុងទៅ៥៥លានដុងក្នុងមួយម៉ែត្រការ៉េគ្របដណ្តប់ចំណែកចន្លោះពី១០%ទៅ១៥%នៃចំណែកទីផ្សារសរុប”។
លោក Jackson បានពន្យល់ថា បណ្តាអ្នកអភិវឌ្ឍន៍ពុំមានចំណាប់អារម្មណ៍ ក្នុងការសាងសង់លំនៅដ្ឋានដែលមានតម្លៃសមរម្យនោះទេ ដោយសារបញ្ហាប្រឈមនៃការទទួលបានប្រាក់ចំណេញទាប។
លោកបានបញ្ជាក់បន្ថែមថា អ្នកអភិវឌ្ឍន៍កំពុងប្រឈមមុខនឹងការកើនឡើងនៃតម្លៃដី ការកើនឡើងនៃតម្លៃសម្ភារៈសំណង់ និងនីតិវិធីច្បាប់ស្មុគស្មាញ ដែលកត្តាទាំងអស់នេះជំរុញឱ្យថ្លៃដើមមានការកើនឡើង៕ប្រភព: Vnexpress៕
នៅទីក្រុងហាណូយ ប្រទេសវៀតណាមនាពេលបច្ចុប្បន្ននេះមានតម្លៃចាប់ពី៥ពាន់លានដុងក្នុងមួយយូនីត (ប្រហែល២០មុឺនដុល្លារ)។){kind=link}