ដោយៈ គង់ សូរិយា
កំពតៈ ខេត្តកំពត ប្រទេសកម្ពុជា មានសក្តានុពលវិនិយោគយ៉ាងសំខាន់លើវិស័យជាច្រើន ដោយសារទីតាំងយុទ្ធសាស្ត្រ ធនធានធម្មជាតិ និងឧស្សាហកម្មទេសចរណ៍ដែលកំពុងរីកចម្រើន។
ទាំងអស់នេះ គឺជាវិស័យដែលមានសក្តានុពលបំផុត សម្រាប់ការវិនិយោគនៅក្នុងខេត្តដ៏ស្រស់ស្អាតមួយនេះ។
ខេត្តកំពតត្រូវបានគេស្គាល់ ដោយសារទេសភាពដៃព្រែក និង
ស្ថាបត្យ កម្មប្រវត្តិសាស្ត្រ។ កំណើនទេសចរណ៍ធម្មជាតិ សណ្ឋាគារ ប៊ូទិក និងរមណីយដ្ឋាននានាតាមដងទន្លេកំពត និងឆ្នេរសមុទ្រ។
លើសពីនេះ ក្រុមហ៊ុនSokha Real Estateបាននិងកំពុងអភិវឌ្ឍន៍រមណីយដ្ឋានភ្នំបូកគោ និងកំពុងសាងសង់ពុទ្ឋបដិមាដ៏ខ្ពស់បំផុតមួយ ក្នុងចំណោមពុទ្ឋបដិមាកំពស់ខ្ពស់ៗលើពិភពលោក។
ពុទ្ឋបដិមានេះ បាននិងកំពុងសាងសង់យ៉ាងសកម្ម ដែលមានកំពស់រហូតដល់១០៨ម៉ែត្រ។ នៅពេលពុទ្ឋបដិមានេះ សាងសង់បញ្ចប់ គំរោងនេះនឹងទាក់ទាញអ្នកទេសចរណ៍ អ្នកធ្វើធម្មយាត្រាមកពីតំបន់ និងជុំវិញពិភពលោក។
ម្រេចកំពតជាផលិតផលលំដាប់ថ្នាក់ពិភពលោក ទទួលស្គា
ដោយអង្គការអន្តរជាតិ និងមានសក្តានុពលនាំចេញ។
ទុរេន ស្វាយ និងផ្លែឈើត្រូពិចផ្សេងទៀត មានទីផ្សារក្នុងស្រុក និងអន្តរជាតិខ្លាំង។
ឱកាសក្នុងការធ្វើកសិកម្មសរីរាង្គ និងកសិ-កែច្នៃសម្រាប់ការនាំចេញ។
តម្រូវការកើនឡើងសម្រាប់ការអភិវឌ្ឍន៍លំនៅដ្ឋាន ពាណិជ្ជកម្ម និងបដិសណ្ឋារកិច្ច។
ខេត្តនេះ មានសក្តានុពលកំណើនលំនៅដ្ឋានទីពីរ និងសហគមន៍ចូលនិវត្តន៍ សម្រាប់ជនបរទេស។
លើសពីនេះ រាជរដ្ឋាភិបាលបាននិងកំពុងជម្រុញដៃគូឯកជន វិនិយោគ លើការអភិវឌ្ឍន៍ហេដ្ឋារចនាសម្ព័ន្ធ ដូចជាផ្លូវថ្នល់ និងកំពង់ផែ គាំទ្រផ្នែកភស្តុភារ និងពាណិជ្ជកម្ម។
ក្រុមហ៊ុនក្នុងស្រុកធំមួយ បាននិងកំពុងអភិវឌ្ឍន៍កំពង់ផែ និងតំបន់សេដ្ឋកិច្ចពិសេស (SEZs) ទាក់ទាញការវិនិយោគក្នុងឧស្សាហកម្មធុនស្រាល រួមទាំងការកែច្នៃម្ហូបអាហារ និងវាយនភណ្ឌ។
ទីតាំងតំបន់សេដ្ឋកិច្ចពិសេសនេះ ស្ថិតនៅជិតកំពង់ផែកំពត ធ្វើឱ្យវាក្លាយជាទីតាំងយុទ្ធសាស្ត្រ សម្រាប់ឧស្សាហកម្មដែលជំរុញការនាំចេញ។
ខេត្តកំពត ក៏មានឧស្សាហកម្មចិញ្ចឹមត្រីតាមឆ្នេរសមុទ្រ និងតាមដងព្រែកដ៏មានសក្តានុពល ដោយសារតម្រូវការអាហារសមុទ្រកើនឡើង។ លើសពីនេះ ការវិនិយោគលើការនេសាទ ប្រកបដោយនិរន្តរភាព និងការកែច្នៃអាហារសមុទ្រសម្រាប់ការនាំចេញ។
ខេត្តកំពត មានឱកាសវិនិយោគ នៅក្នុងគម្រោងថាមពលព្រះអាទិត្យ និងវារីអគ្គិសនី ដើម្បីគាំទ្រតម្រូវការថាមពល ដែលកំពុងកើនឡើង ស្របពេលសេដ្ឋកិច្ចប្រទេសនេះ កំពុងមានកំណើនប្រកបដោយថាមភាព។
ខេត្តនេះ ក្រៅពីមានដងព្រែក ក៏មានជួរភ្នំខ្ពស់ៗ ដែលអំណោយផល និងហុចសក្តានុពលសម្រាប់ការវិនិយោគ លើដំណោះស្រាយថាមពលប្រកបដោយនិរន្តរភាពសម្រាប់តំបន់ជនបទ។
កំពង់ផែទឹកជ្រៅកំពត កំពុងសាងសង់ និងនៅពេលបញ្ចប់នាពេលខាងមុខ នឹងលើកកម្ពស់ពាណិជ្ជកម្ម និងភស្តុភារ។
ការវិនិយោគនៅក្នុងឃ្លាំង និងមជ្ឈមណ្ឌលចែកចាយសម្រាប់ពាណិជ្ជកម្មក្នុងតំបន់ ក៏ជាឱកាសដ៏ប្រសើរផងដែរ៕
