ដោយៈ គង់ សូរិយា
ភ្នំពេញៈ ក្រសួងសាធារណការ និងដឹកជញ្ជូនកម្ពុជា និងក្រសួងដឹកជញ្ជូនចិន បានបើកកិច្ចប្រជុំលើកទី២ របស់គណៈកម្មការរៀបចំអនុស្សរណៈនៃការយោគយល់ស្តីពី កិច្ចសហប្រតិបត្តិការអភិវឌ្ឍន៍វិស័យដឹកជញ្ជូន។
កិច្ចប្រជុំនេះ ត្រូវបានដឹកនាំដោយលោកវ៉ាស៊ឹម សុរិយា អនុរដ្ឋលេខាធិការ ក្រសួងសាធារណការ និងដឹកជញ្ជូន និងមានការចូលរួមពីមន្រ្តីពាក់ព័ន្ឋកម្ពុជា ចិនជាច្រើន។
កិច្ចប្រជុំបានពិភាក្សាជាសំខាន់ ដោយផ្តោតទៅលើខ្លឹមសារនៃ MoU ស្តីពីការពង្រឹងកិច្ចសហប្រតិបត្តិការ លើវិស័យហេដ្ឋារចនាសម្ព័ន្ធ ដែលបានចុះជាមួយក្រសួងពាណិជ្ជកម្មចិន និងធ្វើការពិនិត្យ និងកែសម្រួលខ្លឹមសារ នៃMoU ស្តីពីកិច្ចសហប្រតិបត្តិការ ក្នុងការកសាងសមត្ថភាពទាក់ទងនឹងការដឹកជញ្ជូន ដែលបានចុះជាមួយក្រសួងដឹកជញ្ជូនចិន។
លោកវ៉ា ស៊ីម សូរិយា បានស្នើឱ្យអគ្គនាយកដ្ឋាន និងអង្គភាពជំនាញពាក់ព័ន្ធផ្តល់ជាបញ្ជី គម្រោងសម្រាប់អនុវត្តន៍ក្នុងរយៈពេល៣ឆ្នាំ (២០២៦-២០២៨) ដែលផ្តោតសំខាន់លើជំនួយបច្ចេកទេស ការអភិវឌ្ឍធនធានមនុស្ស និងអ្នកជំនាញការ ព្រមទាំងផ្តល់ធាតុចូលលើខ្លឹមសារ ដែលគួរកែសម្រួល ឬបន្ថែមក្នុងអនុស្សរណៈ៕
